"ნეტა ჭკუიდან არ შევცდე და რას დავეძებ... რანაირად მოვიქცე ან რა გითხრათ, არ ვიცი, მეტირება" - ნინი შერმადინის ამერიკული წარმატება: რას წერს მომღერალი
მომღერალი ნინი შერმადინი ამერიკის შეერთებულ შტატებში ავტორ-შემსრულებლების კონკურსში მონაწილეობს. ცნობილი ხდება, რომ ნინი უკვე მეოთხედფინალში გავიდა. ყველაფერი მსმენელის ხმების რაოდენობაზე იყო დამოკიდებული და მომღერალმა გულშემატივრისგან საჭირო ხმების რაოდენობა მიიღო.
როგორც კონკურსის ოფიციალურ გვერდზე გამოქვეყნებულ ინფორმაციაში ვკითხულობთ, თავის ჯგუფში ნინიმ პირველი ადგილი დაიკავა და მეოდხედფინალისტთა შორისაა.
- "ნეტა ჭკუიდან არ შევცდე და რას დავეძებ. რით გადაგიხადოთ მადლობა, რანაირად მოვიქცე ან რა გითხრათ, არ ვიცი, მეტირება", - წერს მუსიკოსი "ფეისბუქის" ოფიციალურ გვერდზე გამოქვეყნებულ პოსტში.
შემდეგი ეტაპისთვის ნინის კვლავ სჭირდება მხარდაჭერა. ხმის მიცემა შესაძლებელია ყოველ 24 საათში ერთხელ, უფასოდ, შემდეგ ბმულზე.. როგორც ცნობილია, ხმის მიცემა 28 აგვისტოს განახლდება.