"ეს არაადამიანური ნადირობაა" - ლუის რუბიელესის დედა ეკლესიაში ჩაიკეტა და შიმშილობა გამოაცხადა: ტუჩებში კოცნის შემდეგ დაწყებული სკანდალი გრძელდება

ესპანეთის ფეხბურთის ფედერაციის პრეზიდენტის, ლუის რუბიალესის დედამ შვილის წინააღმდეგ "არაადამიანური ნადირობის“ გამო შიმშილობა გამოაცხადა და მონასტერში ჩაიკეტა.

ანხელეს ბეჟარი ამჟამად მორილში, დივინა პასტორას ეკლესიაში იმყოფება. ესპანურ საინფორმაციო სააგენტო EFE-სთან საუბრისას მან განაცხადა, რომ გაფიცვა "განუსაზღვრელი ვადით“ გაგრძელდება.

"არაადამიანური და სისხლიანი ნადირობა, რომელსაც ჩემი შვილი განიცდის, უსამართლოა“ - თქვა ანხელეს ბეჟარიმ და ესპანეთის ქალთა ნაკრების წევრს, ჯენიფერ ერმოსოს "სიმართლის თქმისკენ“ მოუწოდა. სწორედ ერმოსოს აკოცა ფედერაციის პრეზიდენტმა ტუჩებში, რასაც სკანდალი მოჰყვა.

შაბათს, რუბიელესის საქმეზე სასამართლო დავა დაიწყო. FIFA-ს განცხადებით, იგი "ფეხბურთთან დაკავშირებულ ყველა საქმიანობას“ ჩამოაშორეს.

აღსანიშნავია რომ ესპანეთის ფეხბურთს ფედერაციამ პარასკევს გავრცელებულ განცხადებაში რუბიელესს მხარი დაუჭირა:

"ჩვენ უნდა განვაცხადოთ, რომ ჯენიფერ ერმოსო ცრუობს პრეზიდენტის წინააღმდეგ გაკეთებულ ყველა განცხადებაში“.ფეხბურთის ფედერაციამ ჯენიფერ ერმოსო "ყალბ ფემინიზმში“ დაადანაშაულა და სამართლებრივი ქმედებით დაემუქრა.

მომხდართან დაკავშირებით კომენტარი არ გაუკეთებია UEFA-ს. ვარაუდობენ, რომ ამის მიზეზი UEFA - ს პრეზიდენტ ალექსანდრე ჩეფერინისა და რუბიელესის ახლო მეგობრობაა.

შეგახსენებთ, რომ ესპანეთის ქალთა საფეხბურთო ნაკრები ისტორიაში პირველად მსოფლიოს ჩემპიონი გახდა, ესპანელებმა ინგლისის ნაკრები დაძაბულ ბრძოლაში, 1:0 დაამარცხა. მაგრამ დაჯილდოების ცერემონიაზე ყველას ყურადღება ესპანეთის ფეხბურთის ფედერაციის პრეზიდენტის, ლუის რუბიალესის საქციელმა მიიპყრო - რუბიალესმა ესპანეთის ნაკრების მოთამაშეს, ჯენიფერ ერმოსოს ტუჩებში აკოცა, რასაც დიდი კრიტიკა მოჰყვა.