ქობულეთი - ისტორიული კურორტიდან, ახალ საინვესტიციო hotspot-მდე

ქობულეთი უძველესი დროიდან წარმოადგენდა რეგიონის მთავარ გამაჯანსაღებელ კურორტს - არსებული ცნობებით, ქალაქი XIX საუკუნის მეორე ნახევრიდან, აქტიურად მასპინძლობდა მოგზაურებს მსოფლიოს წამყვანი ქვეყნებიდან, რომლებიც რეზორტს ჯანმრთელობის გასაუმჯობესებლად, თერაპიული პროცედურების ჩასატარებლად, თუ განსატვირთად სტუმრობდნენ.

ზღვის დონიდან ყველაზე ახლოს, 3-5 მეტრის დაშორებით მდებარე ქალაქის სამკურნალო მიკროკლიმატი, სანაპირო ზოლზე გაშენებული უიშვიათესი ფიჭვნარი და გოგირდოვანი, მინერალური წყლების დივერსიფიკაცია, ქობულეთს სრულყოფილი გამაჯანსაღებელი კურორტის სტატუსს ანიჭებს.

უნიკალური ბუნებრივი ფაქტორები, თუ გამორჩეული მახასიათებლები, ქალაქს იდეალურ ადგილად აქცევს როგორც ველნეს მოგზაურობისთვის, ასევე მრავალგვარი თერაპიებისა და პროცედურების ჩატარებისთვის, როგორიცაა: ჰიდროთერაპია, ჰელიოთერაპია, აეროთერაპია, პელოთერაპია, ასევე ძვალ-სახსროვანი, რესპირატორული, რეპროდუქციული დაავადებების მკურნალობა.

აჭარა, როგორც კავკასიის უძრავი ქონების ბაზრის მთავარი საინვესტიციო რეგიონი

ბათუმი - კავკასიის დინამიკური ბუმთაუნი, საქართველოს ყველაზე მიმზიდველ ტურისტულ ქალაქად ითვლება. მისი პროგრესული დინამიკა ათვლას 2005 წლიდან იწყებს, როდესაც ახალი ბულვარის და თანამედროვე სტანდარტის, მულტიფუნქციური კომპლექსების მშენებლობა, ერთგვარ მოტივატორად იქცა ქალაქის სწრაფ ტემპში განვითარებისთვის.

2005 წელს ბათუმის ყველაზე პრესტიჟულ, ცენტრალურ უბნებში მაღალი კლასის უძრავი ქონების კვ. მ. - ის საწყისი ღირებულება დაახლოებით 350-400$ შეადგენდა, დღევანდელი მაჩვენებლით კი, ეს ნიშნული დაახლოებით 3000$-ს უტოლდება, 800-900%-იანი ღირებულების ზრდით. აღნიშნული პროგრესი, გარკვეულწილად დუბაის პრაქტიკასაც შეგვიძლია შევადაროთ - სადაც ანალოგიურ პერიოდში, ლუქს აპარტამენტის 1 კვ.მ.-ის საწყისი ღირებულება დაახლოებით 1000$-დან, 7000-8000$-მდე გაიზარდა და ამ მაჩვენებლით 700-800%-იანი ზრდა დააფიქსირა.

ბათუმში განხორციელებულმა კერძო ინვესტიციებმა, გლობალურმა პროექტებმა, ქალაქში ინტეგრირებით ისეთი ცნობილი სასტუმრო ბრენდები დააინტერესა, როგორიცაა Marriott, Hyatt Centric, World Trade Center, Hilton Hotels & Resorts, Radisson Blu, Sheraton Batumi Hotel, Le Meridien, Wyndham Hotels & Resorts. შედეგად, შეიქმნა ახალი სამუშაო ადგილები, ჩამოყალიბდა ლოკალური, კულტურული დაწესებულებები, განვითარდა ადგილობრივი ინფრასტრუქტურა.

დღეს ბათუმში არაერთი ახალი მულტიფუნქციური კომპლექსის მშენებლობა და ათასობით აპარტამენტის რეალიზება ხორციელდება. საერთაშორისო ვიზიტორების მზარდი რაოდენობის პარალელურად, იმატებს ღირებულება და მოთხოვნა მაღალი კლასის, პრემიუმ სეგმენტის პროექტებსა, თუ მომსახურებაზე - განსაკუთრებით კი, პირველ სანაპირო ზოლზე.

არაერთი ფაქტორი ცხადყოფს, რომ ზღვისპირა კურორტის პირველი სანაპირო ზოლი იყო და მომავალშიც დარჩება ყველაზე მოთხოვნად, პერსპექტიულ ლოკაციად - სწორედ ამიტომ, ბათუმში მისი ბუნებრივად შეზღუდული რესურსისა და მიწოდების ფონზე, ჩნდება ახალი პრემიუმ ადგილმდებარეობისა და ალტერნატიული ბაზრის გაჩენის აუცილებლობა.

აქედან გამომდინარე, ბოლო რამდენიმე წლის განმავლობაში, ახალი ინოვაციური კონსტრუქციების, თუ საინვესტიციო რეზიდენციების მშენებლობა, ბათუმის პირველი სანაპირო ზოლიდან, ახალი ცენტრალური ლოკაციების ათვისების მიზნით, სხვა ზღვისპირა ქალაქებისკენ ინაცვლებს, როგორიცაა ქობულეთი, გონიო, შეკვეთილი. ალტერნატიული და ერთგვარად კონკურენტული ბაზრები, თითოეულ დაინტერესებულ ინვესტორს, პორტფოლიოს გამრავალფეროვნების საშუალებას აძლევენ - როგორიცაა, მაგალითად, კონკურენტუნარიანი ღირებულება, პრე-საინვესტიციო ბუმის საწყის ეტაპზე.

ქობულეთის საინვესტიციო მიმზიდველობასა და პერსპექტიულობას განაპირობებს:

• სტრატეგიული ადგილმდებარეობა - ქობულეთი უნიკალური კლიმატით გამორჩეულ კურორტად ითვლება, რომელიც სხვადასხვა ტიპის გამაჯანსაღებელი ფაქტორით, უიშვიათესი ფიჭვნარით, სამკურნალო მახასიათებლებითა და პირველი სანაპირო ზოლის უპირატესობებით, აჭარაში მსყიდველუნარიან ტურისტებს მოიზიდავს. ქალაქის სტრატეგიული ადგილმდებარეობა და ველნეს ფაქტორები, უძრავი ქონების ღირებულების სისტემატურ ზრდას და ინვესტიციის მომგებიანობას განაპირობებენ.
• Wellestate-ის პერსპექტივა - ქობულეთის ნიშას, ყველაზე პერსპექტიული ბაზრის, ველნეს ინდუსტრიის პერსპექტიულობა წარმოადგენს. ტურიზმის ყველაზე დინამიკური მიმართულების მოცულობა, 2023 წლის მონაცემებით 980 მილიარდი დოლარია, რომელიც წინასწარი პროგნოზირებით, 10 წლის პერიოდში გასამმაგდება. ველნეს უძრავი ქონების ოთხ სეზონურობიდან გამომდინარე, Wellestate-ის დატვირთულობა ქობულეთში, მუდმივად უზრუნველყოფილი იქნება.
• ველნეს ინფრასტრუქტურის პერსპექტიულობა - ველნეს ტურიზმით დაინტერესებული, მაღალშემოსავლიანი ველნეს ტურისტები, მოგზაურობისას სტანდარტულ ტურისტზე 130%-ით მეტს ხარჯავენ. ისინი უპირატესობას მაღალი სტანდარტისა თუ მომსახურების კომპლექსებს ანიჭებენ, სადაც სრულფასოვან დასვენებას, გაჯანსაღებას, ან ღირებული ინვესტიციის განხორციელებას შეძლებენ. სეგმენტზე ორიენტირებით, ქობულეთი სწორედ Lux ტიპის მულტიფუნქციური კომპლექსების ჰაბად იქცევა.
• ვიზიტორთა მზარდი რაოდენობა/მოთხოვნის ზრდა Wellestate-ზე - ვიზიტორების რაოდენობა ქობულეთში ყოველწლიურად იმატებს. გამომდინარე იქიდან, რომ ველნეს უძრავი ქონებისადმი ინტერესი დინამიკურად მზარდია, რაც ველნეს კომპლექსების ღირებულების დინამიკაზეც ზემოქმედებს, შეგვიძლია თამამად დავასკვნათ, რომ Wellestate-ის ფასი ქობულეთში სამომავლოდ აუცილებლად გაიზრდება, რაც საწყის ეტაპზე ინვესტირების ბენეფიტურობას უსვამს ხაზს.

დასკვნა

ქობულეთში აქტიურად მიმდინარეობს ადგილობრივი ინფრასტრუქტურის განვითარება, რეკრეაციული ზონების მოწყობა, ანონსდება მაღალი სტანდარტის ახალი დეველოპერული პროექტები.

აღსანიშნია, რომ ქობულეთში განხორციელებული ინვესტიცია, ფინანსურად მომგებიანია - მოთხოვნიდან და პერსპექტიული ველნეს-კონცეფციიდან გამომდინარე, საცხოვრებელი, თუ საინვესტიციო რეზიდენციების ღირებულება აქ საშუალოდ 20-25%-ით იზრდება.

ქალაქი იდეალურ საინვესტიციო დანიშნულების ადგილად შეგვიძლია მივიჩნიოთ - გამომდინარე იქედან, რომ ქობულეთს ისტორიული ველნეს კონცეფცია და ბუნებრივი სამკურნალო-გამაჯანსაღებელი ფაქტორების მრავალფეროვნება აქვს, რომელიც მნიშვნელოვნად არის მორგებული მსყიდველუნარიან, ველნეს ტურისტზე, აქ განხორციელებული ინვესტიციის მყარი, ფინანსური მომგებიანობა, მუდმივად იქნება უზრუნველყოფილი.

გარდა ამისა, ქალაქს განსაკუთრებული, პრე-საინვესტიციო ბუმის უპირატესობები, კონკურენტუნარიანი ღირებულებები და ინვესტირების საწყისი ეტაპის არაერთი ბენეფიტი გააჩნია, რის ეფექტურობასაც, ბათუმის მაგალითიც ადასტურებს. ახალი პრემიალური საცხოვრებელი, თუ საინვესტიციო კომპლექსების ქობულეთში მშენებლობა კი თავის მხრივ ქალაქს მთავარ ველნეს ეპიცენტრად დააპოზიციონირებს, მსოფლიო რუკაზე.

R