"რუსეთი ყველაფერს აკეთებს იმისთვის, რომ ჩინეთმა და ინდოეთმა აფხაზეთი და სამხრეთ ოსეთი აღიარონ“ - გრიგორი კარასინი

"რუსეთი ყველაფერს აკეთებს იმისთვის, რომ სხვა ქვეყნებმა, მათ შორის ჩინეთმა და ინდოეთმა, სამხრეთ ოსეთი და აფხაზეთი აღიარონ", - ამის შესახებ ცხინვალში მყოფმა რუსეთის ფედერაციის საბჭოს საერთაშორისო საქმეთა კომიტეტის თავმჯდომარემ, გრიგორი კარასინმა განაცხადა.

კარასინი რუსეთს ფედერაციის მიერ ე.წ. სამხრეთ ოსეთის დამოუკიდებელ რესპუბლიკად აღიარების 15 წლის იუბილესადმი მიძღვნილ ღონისძიებას დაესწრო. დელეგაციაში ასევე შედიოდნენ ფედერაციის საბჭოს წევრები: სერგეი ცეკოვი, კრიმ კაზანოკოვი და ოლგა კოვიტიდი. ისინი ასევე შეხვდნენ ე.წ. სამხრეთ ოსეთის დე ფაქტო ლიდერ ალან გაგლოევს.

კარასინმა აღნიშნა, რომ ბოლო წლების განმავლობაში რუსეთსა და ე.წ. სამხრეთ ოსეთს შორის ჭეშმარიტად ძმური ურთიერთობა ჩამოყალიბდა.

”რუსეთი გააგრძელებს სამხრეთ ოსეთის მხარდაჭერას სახელმწიფოს მშენებლობაში, უსაფრთხოებაში, ეკონომიკურ და სოციალურ განვითარებაში", - თქვა მან.