დატბორილი ქუჩები და მიწისქვეშა გადასასვლელები, წაქცეულია ხეები, ქვათაცვენა თამარაშვილზე... - რა ხდებოდა წუხელ თბილისში (ფოტოები)
29 აგვისტოს, თბილისში ძლიერმა წვიმამ რამდენიმე უბანში პრობლემები შექმნა. დაიტბორა ქუჩები და მიწისქვეშა გადასასვლელები, წაქცეულია ხეები, დაზიანებულია ელექტროსადენები. დედაქალაქის მერის მოადგილის, ირაკლი ბენდელიანის განცხადებით, თამარაშვილის ქუჩაზე ქვათაცვენა დაფიქსირდა, ამასთან, უსაფრთხოებიდან გამომდინარე, წყნეთი-ბეთანიის დამაკავშირებელ გზაზე მოძრაობა დროებით შეიზღუდა.
როგორც დედაქალაქის მერიაში განმარტავენ, შესაბამისი სამსახურები მთელი ღამის განმავლობაში იმუშავებენ, რათა დილით გადაადგილება თავისუფალი იყოს.
გთავაზობთ ფოტორეპორტაჟს, ავტორი: ვანო გორგიშვილი.
- ვიდეო: რა ხდებოდა ვაშლიჯვრის ახალ გზაზე