"მზად ვარ შევასრულო პუტინის ნებისმიერი ბრძანება, თუნდაც შედეგი სიკვდილი იყოს" - რამზან კადიროვი
ჩეჩნეთის ლიდერმა რამზან კადიროვმა, მისი გარდაუვალი სიკვდილის შესახებ ჭორების კომენტირებისას, განაცხადა, რომ მისი სიცოცხლე ეკუთვნის რელიგიას, სამშობლოს, მის ინტერესებს და მზად არის შეასრულოს რუსეთის პრეზიდენტის ვლადიმერ პუტინის ნებისმიერი ბრძანება, თუნდაც შედეგად სიკვდილიც დადგეს. ამის შესახებ მან "ტელეგრამარხზე" დაწერა.
კადიროვის თქმით, ის გაამხიარულა პოლიტოლოგების მსგავსი ადამიანების ინტერვიუებმა უცხოურ გამოცემებში, რომლებიც მას სწრაფ სიკვდილს უწინასწარმეტყველებენ და აღნიშნა: "მზად ვარ შევასრულო პუტინის ნებისმიერი ბრძანება, თუნდაც შედეგი სიკვდილი იყოს“.
მანამდე კადიროვმა განაცხადა, რომ ევგენი პრიგოჟინი ეროვნული მასშტაბით იყო მნიშვნელოვანი პიროვნება, რომელმაც დიდი წვლილი შეიტანა უკრაინის ტერიტორიაზე რუსეთის ფედერაციის "სპეციალური სამხედრო ოპერაციის“ ჩატარებაში.