კუბა აცხადებს, რომ მათ გამოავლინეს ადამიანებით ვაჭრობის ქსელი, რომლის მეშვეობითაც კუბელებს რუსეთის არმიაში უკრაინის წინააღმდეგ საბრძოლველად იყენებენ

კუბის საგარეო საქმეთა სამინისტრო აცხადებს, რომ მათ ადამიანებით ვაჭრობის ქსელი აღმოაჩინეს, რომელიც უკრაინის ომში რუსეთის მხარეს საბრძოლველად კუბელების რეკრუტირებას ისახავდა მიზნად.

სამინისტროს განცხადებაში ნათქვამია, რომ რუსეთში მცხოვრები კუბელები და "ზოგიერთი კუბაში მცხოვრებიც კი, ჩართული იყვნენ სამხედრო ძალებში, რომლებიც უკრაინის ომში იბრძოდნენ".

კუბა რუსეთის ახლო მოკავშირეა, მაგრამ განცხადებაში ხაზგასმითაა ნათქვამი, რომ "ის უკრაინის კონფლიქტში მონაწილეობას არ იღებს".

რუსეთის მხრიდან ამ განცხადებაზე პაუხი ჯერ არ გამოქვეყნებულა.

კუბის საგარეო საქმეთა სამინისტროს არ დაუკონკრეტებია ის, თუ ვინ დგას ოპერაციის უკან.

• ინფორმაციისთვის, გასული წლის აგვისტოში, მას შემდეგ, რაც რუსეთის საბრძოლო ძალებმა უკრაინაში მძიმე დანაკარგები განიცადეს, პრეზიდენტმა ვლადიმერ პუტინმა რუსი სამხედროების რაოდენობის გაზრდის ბრძანება გასცა.

პუტინის განცხადებიდან მალევე, რუსული გაზეთი "რიაზანი" წერდა, რომ უკრაინაში მებრძოლ რუსულ დანაყოფებს რუსეთში მცხოვრები კუბელები შეუერთდნენ. გამოცემის მიხედვით, სახელმწიფო სანაცვლოდ მათ რუსეთის მოქალაქეობის მიღებას დაჰპირდა.

კუბის საგარეო საქმეთა სამინისტრო პირობას იძლევა, რომ გადამჭრელ ზომებს მიიღებენ მათ წინააღმდეგ, ვინც ადამიანებით ვაჭრობას ეწევა.

წყარო: bbc

მოამზადა: ანა სიბოშვილმა