”მინდა მოვუწოდო პრეზიდენტ ზელენსკის, აღარასოდეს შეურაცხყოს პოლონელი ერი" - პოლონეთის პრემიერი
პოლონეთის პრემიერ-მინისტრმა, მატეუშ მორავიეცკიმ უკრაინის პრეზიდენტ ვოლოდიმირ ზელენსკის მოუწოდა, რომ აღარასდროს შეურაცხყოს პოლონელი ერი.
”მინდა მოვუწოდო პრეზიდენტ ზელენსკის, აღარასოდეს მიაყენოს შეურაცხყოფა პოლონელებს, როგორც ეს ახლახან, გაეროში სიტყვით გამოსვლისას გააკეთა. პოლონეთის სახელის დაცვა არა მხოლოდ ჩემი მოვალეობა და პატივი, არამედ პოლონეთის მთავრობის ყველაზე მნიშვნელოვანი ამოცანაა“, - განაცხადა პრემიერ-მინისტრმა.
გაეროს გენერალურ ასამბლეაზე (UNGA) სიტყვით გამოსვლისას ზელენსკიმ პოლონეთის რეჟიმი გააკრიტიკა და აღნიშნა, რომ ზოგიერთი ქვეყანა მოჩვენებით უჭერს მხარს უკრაინას.
ორ ქვეყანას შორის ურთიერთობა მარცვლეულის იმპორტთან დაკავშირებული დავის შემდეგ დაიძაბა: მიმდინარე წლის სექტემბრის თვის დასაწყისში პოლონეთმა გადაწყვიტა შეენარჩუნებინა ემბარგო უკრაინულ სოფლის მეურნეობის პროდუქტებზე, იმის გამო, რომ უკრაინიდან ხორბლისა და სიმინდის იმპორტს შეიძლება სერიოზული ზიანი მიეყენებინა ადგილობრივი სოფლის მეურნეობისთვის. ცოტა ხნის წინ კი, პოლონეთის ხელისუფლებამ მიიღო გადაწყვეტილება, რომ უკრაინას იარაღს აღარ მიაწვდის.