დევა კასელის მორიგი შთამბეჭდავი გამოჩენა Dolce & Gabbana-ს შოუზე - მონიკა ბელუჩის შვილის ახალი ფოტოები
"დევა კასელი Dolce & Gabbana-ს ახალი კოლექციის მუზაა",- წერს იტალიური Vogue. ბრენდმა, 2024 წლის გაზაფხული-ზაფხულის კოლექციის წარსადგენად, ახალგაზრდა ტოპ მოდელებს შორის, დევა კასელიც შეარჩია.
გოგონამ Dolce & Gabbana-ს ჩვენებაში მონაწილეობა პირველად 2019 წელს მიიღო.
დევას დედა, მონიკა ბელუჩი, იტალიური მოდის სახლთან ყოველთვის მჭიდროდ იყო დაკავშირებული, ამიტომ დევასთვის ამავე ბრენდთან მუშაობა მემკვიდრეობასავითაა.
"დიახ, დევა კასელი და Dolce & Gabbana-ს კავშირი ნამდვილია, რადგან ის განასახიერებს მგრძნობიარე და იდუმალ ახალგაზრდა მუზას",- წერს იტალიური გამოცემა მონიკა ბელუჩის 19 წლის ქალიშვილზე.
მოდის კვირეულზე, Dolce & Gabbana-მ, დევას 60-იანი წლების სტილის შავი კაბა ჩააცვა, რომელიც საკმაოდ განსხვავდება მისი წინა წლების "ლუქებისგან". სტილის შეცვლის მიუხედავად, "ის არანაკლებ მაცდურია",- წერს Vogue.
- იტალიური მოდის სახლი გოგონას ხშირად გამჭვირვალე კაბებს აცმევს.
წყარო: vogue
მოამზადა: ანა სიბოშვილმა