ჟიზელიდან ვიტორია ჩერეტიმდე - ლეონარდო დიკაპრიოს რომანტიკული თავგდასავლები: ვის ხვდებოდა ჰოლივუდის ვარსკვლავი წლების განმავლობაში
48 წლის ლეონარდო დიკაპრიოს, რომელიც წლების განმავლობაში ყველაზე სასურველ სასიძოდ ითვლებოდა ჰოლივუდში, ახლა ყველაზე არასანდო მამაკაცის სტატუსი აქვს, რომელიც თითქმის ყოველ კვირაში ახალ მეგობარ გოგონასთან ერთად გვევლინება.
ბოლო ცნობების მიხედვით, ახლა იტალიელ ლამაზმანს, ჩვენი დროის ერთ-ერთ გამორჩეულ მოდელს, 25 წლის ვიტორია ჩერეტის ხვდება, მანამდე ხვდებოდა ჯიჯი ჰადიდს, კამილა მორონეს - სია დიდია.
ლეოს ინტერესი მოდელებისადმი დიდი ხანია ცნობილია. ალბათ, მის ფანებს სმენიათ, რომ მსახიობი მოდის კვირეულს სპეციალურად სტუმრობს ხოლმე, კულისებიც კი შედის და მოდელებს ესალმება. ხშირ შემთხვევაში კი მისი ვიზიტი მოდელების გარემოცვაში ახალი სასიყვარულო ურთიერთობის დაწყების საფუძველი ხდება ხოლმე.
მედიაში არაერთი კადრი არსებობს, სადაც ჩანს, თუ როგორ სტუმრობს ხოლმე ლეო ბექსთეიჯს.
აღსანიშნავია, რომ ჰოლივუდის ვარსკვლავის არჩევანი ხშირად 25 წალმდე გოგონები არიან ხოლმე (გამონაკლისი ჯიჯი ჰადიდია).
ლეოს შეყვარებულები თითქმის ყოველთვის წარმატებული, ულამაზესი და ყველაზე სასურველი ქალები არიან. დიკაპრიოს ყოფილ გერლფრენდებს შორისაა კეიტ მოსი, ჟიზელ ბიუნდჰენი, ნაომი კემბელიც კი და ა.შ.
მოდით თვალი გადავავლოთ ჰოლივუდის ვარსკვლავის სასიყვარულო ურთიერთობებს და ვნახოთ, ვის ხვდება ლეო სხვადასხვა პერიოდში:
ლეონარდოს სუპერმოდელი ყოფილების სიაში ბრიჯიტ ჰოლი პირველ ადგილს იკავებს, წყვილი ერთმანეთს 1994 წელს ხვდებოდა.
ლეონარდო მოდელ კრისტენ ზანგს 1996-97 წლებში ხვდებოდა. მსახიობმა გოგონა თავისი ფილმის, "რომეო და ჯულიეტას" პრემიერაზეც კი წაიყვანა
ემბერ ვალეტა ლეონარდო დიკაპრიომ პირველად ერთ-ერთ ჟურნალში ნახა. მსახიობს მოდელი ისე მოეწონა, რომ მისი წარმომადგენლები ვალეტას დაუკავშირდნენ, რათა ლეონარდოსთან შეხვედრა მოეხერხებინათ. მალე კი შეყვარებულები გახდნენ
დიკაპრიოსა და ლივ ტაილერის ერთ-ერთ წვეულებაზე გადაღებული ფოტოების გავრცელების შემდეგ, ბევრ ფანს გაუჩნდა ეჭვი, რომ მსახიობები ერთმანეთს ხვდებოდნენ. ოფიციალურად ეს ინფორმაცია დადასტურებული არ არის.
დიკაპრიოს მოკლეხნიანი რომანი ჰქონდა ნაომი კემპბელთან. წყვილი დაშორების შემდეგაც განაგრძობდა მეგობრობას და ხშირად იახტითაც სეირნობდნენ ერთად.
დიკაპრიო ჩეხ სუპერმოდელს, ევა ჰერციგოვას 1998 წელს, 1 თვის განმავლობაში ხვდებოდა. იმ დროისთვის, ჰერციგოვა ჯერ კიდევ ტიკო ტორესზე იყო დაქორწინებული, ამიტომ მათი რომანი ოფიციალურად არასდროს დადასტურებულა.
ლეო სუპერმოდელ ჟიზელ ბიუნდჰენს 2000-2005 წლებში ხვდებოდა. მათი ურთიერთობა საკმაოდ სერიოზული იყო. ერთად მივიდნენ "ოსკარის" დაჯილდოების ცერემონიაზეც. აღსანიშნავია, რომ მას შემდეგ, დიკაპრიო ცერემონიაზე მეწყვილესთან ერთად აღარ მისულა.
დიკაპრიო ბარ რაფაელს 2005-2009 წლებში ხვდებოდა. თაყვანისმცემლებს ეგონათ, მსახიობი საბოლოოდ იქორწინებდა მოდელზე, თუმცა წყვილი 2009 წელს დაშორდა.
დიკაპრიო რუს მოდელს, ანე ვიალიცინას ბარ რაფაელთან დაშორების შემდეგ ხვდებოდა, 2009 წელს.
ლეონარდო კოლეგას, ბლეიკ ლაივლის, პირველად სტივენ სპილბერგის იახტაზე შეხვდა. მათი ურთიერთობა მხოლოდ 5 თვე გაგრძელდა, წყვილს ხშირად აფიქსირებდნენ პაპარაცები ევროპასა თუ ამერიკაში პაემნებზე ყოფნისას. ლეონარდო და ბლეიკი 2011 წელს დაშორდნენ.
მსახიობი Victoria Secret-ის მოდელს, ერინ ჰითერტონს 2010 წელს, 10 თვის განმავლობაში ხვდებოდა. წყვილთან დაახლოებული წყაროს ინფორმაციით, მათი დაშორების მიზეზი "დიკაპრიოს მოუცლელობა" გახდა.
დიკაპრიო კიდევ ერთ სუპერმოდელს, ტონი გარნს 2013 წელს ხვდებოდა. იმ დროისთვის ტონი 20 წლის იყო.
დიკაპრიოს მომდევნო მოდელი კელი რორბახი იყო. ისინი ერთმანეთს რამდენიმე თვის მანძილზე ხვდებოდნენ, 2016 წელს.
დიკაპრიო და ნინა აგდალი ერთად 2016 წელს, ნიუ-იორკის ერთ-ერთ კლუბში შენიშნეს. წყვილი ერთმანეთს 1 წლის განმავლობაში ხვდებოდა, თუმცა საბოლოოდ დაშორდნენ, რადგან "ლეონარდო მომდევნო ნაბიჯის გადასადგმელად მზად არ იყო".
დიკაპრიოსა და კამილა მორონეს შორის რომანზე 2017 წელს დაიწყო ჭორები. 2020 წელს მათ 3 ძაღლიც აიყვანეს და ლეონარდოს ახლო მეგობრის თქმით, მსახიობი "ასეთი შეყვარებული მანამდე არასდროს ენახა". როგორც ჩანს, ლეონარდოს "დაბმა" ვერც მორონემ შეძლო და მათი 4-წლიანი ურთიერთობა 2022 წელს დასრულდა.
ლეონარდო დიკაპრიო და ჯიჯი ჰადიდი პირველად 2022 წლის სექტემბერში შენიშნეს და ჭორი გავრცელდა, რომ ისინი ერთმანეთს ხვდებოდნენ. წყაროს თქმით, ჯიჯი "ლეონარდოს გემოვნებისაა", მაგრამ ისინი ექსკლუზიურ ურთიერთობაში არ არიან და მხოლოდ დროგამოშვებით ხვდებიან ერთმანეთს.
ვიტორია ჩერეტი ლეონარდოს უკანასკნელი (ჯერჯერობით) გატაცებაა. მოდელს დიკაპრიო სულ რამდენიმე თვეა ხვდება, თუმცა ლეომ გოგონას უკვე დედაც კი გააცნო.
<blockquote class="twitter-tweet"><p lang="en" dir="ltr">Leonardo DiCaprio spotted making out with Vittoria Ceretti. <a href="https://t.co/UtUZu4qbH7">https://t.co/UtUZu4qbH7</a></p>— Pop Base (@PopBase) <a href="https://twitter.com/PopBase/status/1699520712334299613?ref_src=twsrc%5Etfw">September 6, 2023</a></blockquote> <script async src="https://platform.twitter.com/widgets.js" charset="utf-8"></script>
