უმძიმესი კადრები ხარკოვიდან: რუსებმა კაფე და მაღაზია დაბომბეს - დაიღუპა 48 ადამიანი, მათ შორის 6 წლის ბავშვი

რუსულმა ძალებმა ხარკოვში, კუპიანსკის რაიონის სოფელ გროზაში სამოქალაქო ობიექტი დაბომბეს, წინასწარი ინფორმაციით, დაიღუპა 48 ადამიანი, - ინფორმაციას უკრაინული მედია ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.

"რუსებმა ცეცხლი გაუხსნეს კაფესა და მაღაზიას კუპიანსკის რაიონის სოფელ გროზაში, სადაც უამრავი მშვიდობიანი მოქალაქე იმყოფებოდა, თავადსხმის ადგილზე მაშველები ამ დრომდე მუშაობენ. ამ დროისთვის ნანგრევებიდან ამოყვანილია 48 ადამიანის ცხედარი, მათ შორის 6 წლის ბიჭის“, - აცხადებს სინეგუბოვი.

მისი თქმით, დაშავებულია 6 ადამიანი, მათ შორის 1 ბავშვი და ადგილზე სამაშველო სამუშაოები გრძელდება.