"მართებულია, რომ ღაზას ჰუმანიტარული დახმარება მიეწოდება... ჩვენ მათ მარტო არ დავტოვებთ" - კანცლერი
გერმანიის კანცლერი ოლაფ შოლცი ღაზას სექტორისთვის ჰუმანიტარული დახმარების მიწოდების დაწყებას მიესალმება.
„მართებული და მნიშვნელოვანია, რომ პირველი ჰუმანიტარული დახმარება ახლა ღაზას მოსახლეობას მიეწოდება. მათ წყალი, საკვები და მედიკამენტები სჭირდებათ - ჩვენ მათ მარტო არ დავტოვებთ. გერმანიის ფედერალური მთავრობა ამ კონფლიქტით გამოწვეული ტანჯვის შესამსუბუქებლად ყველაფერს აკეთებს“, - წერს შოლცი „ტვიტერის“ გვერდზე.
ცნობისთვის, დღეს რაფაჰის სასაზღვრო გადასასვლელის გავლით ჰუმანიტარული დახმარებით დატვირთული სატვირთო მანქანები ღაზაში შევიდა.