"7 ოქტომბრის ჩავარდნაზე ყველას მოუწევს პასუხის გაცემა" - ბენიამინ ნათანიაჰუ საზოგადოებას მიმართავს
"7 ოქტომბრის ჩავარდნაზე ყველას მოუწევს პასუხის გაცემა, მათ შორის მეც, მაგრამ ეს მხოლოდ ომის შემდეგ მოხდება", - ამის შესახებ ისრაელის პრემიერ-მინისტრმა ბენიამინ ნეთანიაჰუმ საზოგადოებისადმი მიმართვაში განაცხადა.
"7 ოქტომბერი შავი დღე იყო ჩვენს ისტორიაში. ბოლომდე გავიგებთ რა მოხდა სამხრეთ საზღვარსა და ღაზის მიმდებარე ტერიტორიაზე. ჩავარდნა ბოლომდე შემოწმდება.
ყველას მოუწევს ჩავარდნაზე პასუხის გაცემა - მათ შორის მეც - მაგრამ ეს ყველაფერი მხოლოდ ომის შემდეგ მოხდება. როგორც პრემიერ-მინისტრი, სახელმწიფოს მომავლის უზრუნველყოფაზე ვარ პასუხისმგებელი და ახლა ჩემი სამუშაოა ისრაელის სახელმწიფო და ხალხი ჩვენს მტრებზე გამანადგურებელ გამარჯვებამდე მივიყვანო.
ახლა ძალების გაერთიანების დროა ერთი მიზნისთვის: გამარჯვებისკენ წინსვლისთვის… ჩვენი საქმის სამართლიანობის ღრმა რწმენით“, - განაცხადა ნეთანიაჰუმ.