ავსტრალიაში "ბუნების დაცვის" მიზნით 15 ათასზე მეტ ველური ცხენის განადგურება გადაწყდა

ავსტალიაში, ეროვნულ პარკ კოსციუშკოში 15 ათასზე მეტ ბრამბას (ველურ ცხენს) მოკლავენ. ხელისუფლების გადაწყვეტილებით, ეს ნაბიჯი აუცილებელია ველურის ბუნების დასაცავად.

ოფიციალური პირების თქმით, გადაწყვეტილება საჯარო კონსულტაციის შემდეგ მიიღეს. ცხენებს ჰაერიდან ესვრიან და სამი წლის განმავლობაში მათგან სამი ათასზე მეტი არ უნდა დარჩეს - ამჟამინდელი რაოდენობით ბრამბების რიცხვი 18,8 ათასამდეა.

ველური ცხენების გამრავლებამ შესაძლოა გადამწყვეტი როლი ითამაშოს ექვსი სახეობის ცხოველისა და ორი სახეობის მცენარის სრულად გაქრობაში, ამბობს ხელისუფლება. მათი აზრით, გადაშენების პირას მყოფი სახეობების შესანარჩუნებლად საუკეთესო გზა ცხენების დახოცვაა. ადგილობრივმა გარემოსდაცვითმა ჯგუფებმაც მხარი დაუჭირეს მთავრობის გადაწყვეტილებას და მას "ველური ბუნებისა და მთის წყაროების გამარჯვება" უწოდეს.

ამასთანავე, ბრამბების დაცვის მოძრაობა ავსტრალიაში, რომელიც აღიარებს ცხენების რაოდენობის კონტროლის აუცილებლობას, მხარს უჭერს მათ გადაადგილებას და არა განადგურებას.

ალიანსის თქმით, ყველა პროექტი, რომელიც იცავს გარეულ ცხენებს, შეასწავლის მათ ადამიანებთან ურთიერთობა და ზრუნავს მათ დაბინავებაზე, ვერ იღებს სახელმწიფო დაფინანსებას.

ავსტრალიის უდიდესი პარკი სამხრეთ უელსში მდებარეობს. მისი ფართობი 6900 კვადრატულ კმ-ს შეადგენს.