ღაზადან აშკელონის, აშდოდისა და სხვა ქალაქების მიმართულებით რაკეტები ისროლეს
ღაზას სექტორიდან ისრაელის მიმართულებით რამდენიმე რაკეტა გაისროლეს, - ინფორმაციას CNN ავრცელებს.
ტელეკომპანიის ჯგუფი სამხრეთ ისრაელში მდებარე ქალაქ აშკელონიდან იუწყება, რომ სულ მცირე ექვსი აფეთქების ხმა გაისმა.
ადგილობრივი მედიის ცნობით, ერთ-ერთი რაკეტა ქალაქში სამრეწველო კომპლექსს მოხვდა და ხანძარი გამოიწვია.
რაკეტები ისროლეს ქალაქ აშდოდისა და ღაზასთან საზღვრის მიმდებარედ მდებარე პატარა ქალაქების მიმართულებითაც.