"ჰამასმა" ტყვეობიდან გაათავისუფლა ისრაელელი ქალი სამხედრო - როგორია მისი მდგომარეობა და რას აცხადებენ გათავისუფლების შესახებ ოფიციალური პირები
ისრაელის სამხედროების განცხადებით, სახმელეთო ოპერაციის დროს ღაზის სექტორში დატყვევებული ისრაელელი ქალი სამხედრო, ორი მეგიდიში გაათავისუფლეს.
"გუშინ ჩატარებული სახმელეთო ოპერაციის შედეგად, ისრაელელი ჯარისკაცი, ორი მეგიდიში გავათავისუფლეთ. ის "ჰამასმა" 7 ოქტომბერს აიყვანა მძევლად“ - ნათქვამია არმიის განცხადებაში.
მათივე ცნობით, ჯარისკაცს სამედიცინო შემოწმება ჩაუტარდა, იგი თავს კარგად გრძნობს და უკვე ოჯახთან ერთად იმყოფება.
ისრაელის პრემიერ-მინისტრმა ბენიამინ ნეთანიაჰუმ გამოაქვეყნა ფოტო, სადაც მეგიდიში ოჯახთან ერთად ჩანს. ჯარისკაცს გათავისუფლება ენერგეტიკის მინისტრმა, ისრაელ კაცმაც მიულოცა და ისრაელის არმია გაბედული ოპერაციისთვის შეაქო.
შეგახსენებთ, რომ 7 ოქტომბრის თავდასხმის შემდეგ, „ჰამასმა“ისრაელელი ჯარისკაცები და მშვიდობიანი მოქალაქეები აიყვანა მძევლად. ისრაელის თავდაცვის ძალების ინფორმაციით, ტერორისტების ტყვეობაში ამჟამად 200-ზე მეტი ადამიანი იმყოფება.