ზუგდიდში ავტომობილი ბავშვს დაეჯახა - როგორია მისი მდგომარეობა?
ზუგდიდში მომხდარი ავტოსაგზაო შემთხვევის შედეგად 8 წლის ბავშვი დაშავდა. არსებული ინფორმაციით, მსუბუქი ავტომობილი ქვეითად მოსიარულე არასრულწლოვანს იმ დროს დაეჯახა, როცა ის ქუჩის გადაკვეთას ცდილობდა.
ადგილობრივის ინფორმაციით, დაშავებული ბავშვი ზუგდიდის რეფერალურ საავადმყოფოში გადაიყვანეს, მას ყბა-სახის დაზიანებები აღენიშნება.
შემთხვევის ადგილზე საპატრულო პოლიცია და ექსპერტ-კრიმინალისტები მუშაობენ.