ევროპამ ქართველების ძალა იგრძნო - სოციალურ ქსელში ქართველებმა ევროკომისიის გვერდი "ემოჯებითა" და კომენტარებით "აიკლეს"
ევროკომისიამ საქართველოსთვის ევროკავშირის კანდიდატი წევრის სტატუსის მინიჭებაზე რეკომენდაცია გასცა. ამის შესახებ დღეს, 8 ნოემბერს ევროკომისიის პრეზიდენტმა ურსულა ფონ დერ ლაიენმა პრესკონფერენციაზე განაცხადა.
- შესაბამისი ინფორმაცია გამოქვეყნდა სოციალურ ქსელებში, ევროკომისიის ოფიციალურ აგარიშებზე და რა თქმა უნდა, აქ დაიწყო ის, რაც ჩვენთვის მოულოდნელი არ ყოფილა - ევროპამ იგრძნო თუ რა ძალა აქვთ ქართველებს სოციალურ ქსელში
"ფეისბუქში", ევროკომისიის გვერდზე გამოქვეყნებულ ბანერს, სადაც წერია, რომ ევროკომისია საქართველოს რეკომენდაციას უწევს, მიიღოს კანდიდატის სტატუსი, ორ საათში 22 000-ზე მეტი ლაიქი და 3200-ზე მეტი კომენტარი ჰქონდა.
"მე ვარ ქართველი და მაშასადამე ვარ ევროპელი",
"ბოლოსდაბოლოს, - მადლობა, ევროპა",
"იყავით ჩვენთან ერთად, ბოლომდე"
"მადლობა, რომ გაითვალისწინეთ ქართველი ხალხის ნება", - წერენ ფოტოს კომენტარებში.
დროის იგივე მონაკვეთში უკრაინის შესახებ გამოქვეყნებულ ინფორმაციას 776 ემოცია ჰქონდა, ხოლო მოლდოვის შესახებ 515. საინტერესო ისაა, რომ უკრაინის და მოლდოვის ბანერებზეც ქართველები გამოხატავენ ემოციებს და წერენ კომენტარებს.
და მხოლოდ ეს არ არის, ქართველები მიღწეულ შედეგს ულოცავენ ბოსნია ჰერცოგოვინასაც და საერთოდ, ულოცავენ ყველა ქვეყანას მიღწეულ შედეგს და უსურვებენ წარმატებებს.
ეს თემა "ფეისბუქის" ქართულ სივრცეში ხუმრობის საბაბი გახდა. საზოგადოება აღნიშნავს რომ ევროპამ სოციალურ ქსელში გამოხატული რეაქციებითაც უნდა იგრძნოს ქართველების ძალა და სურვილი, თუ რამდენად მნიშვნელოვანია ჩვენი ქვეყნისთვის და ხალხისთვის ევროკავშირის წევრობა.
- ნახეთ ასევე:
- ევროკომისია უკრაინის, მოლდოვის და ბოსნია ჰერცეგოვინასთან მიმართებაში ევროკავშირში გაწევრების რეკომენდაციას იძლევა
- "შევეშვათ სისულელეებს და იმაზე კამათს, ეს ვისი დამსახურებაა... გავაგრძელოთ მუშაობა, საქმე ვაკეთოთ" - რა სარგებელი მოაქვს ქვეყნისთვის ევროკავშირის კანდიდატის სტატუსს?
- "ქართველ ხალხთან ერთად მიხარია და მივესალმები ევროკომისიის პოზიტიურ რეკომენდაციას" - რას წერს პრეზიდენტი?
- რა თქვა ურსულა ფონ დერ ლაიენმა საქართველოს შესახებ კანდიდატის სტატუსის რეკომენდაციის გაცემისას?