შეერთებულ შტატებსა და იტალიაში გამბინოს მაფიოზური კლანის 16 წევრი დააკავეს

ამერიკის შეერთებულ შტატებსა და იტალიაში "გამბინოს კლანის" 16 წევრი დააკავეს - მათ შორის ლიდერები. ინფორმაციას აშშ-ის პროკურატურა ავრცელებს.

დაკავებულების ბრალდებები მოიცავს გამოძალვას, შურისძიებას, შეთქმულებასა და თაღლითობას. ათი მათგანი ნიუ იორკში დააკავეს, ექვსი კი იტალიაში, პალერმოში.

აშშ-ის იუსტიციის დეპარტამენტის ცნობით, ამ დრომდე ეძებენ კიდევ ერთ ეჭვმიტანილს.

დაკავებულთა შორის იყო "გამბინოს ოჯახის" ლიდერი ჯოზეფ "ჯო ბრუკლინი“ ლანი, ანჯელო "ფიფი“ გრადილონი და ფრანჩესკო ვიკარი, ასევე ცნობილი როგორც "ბიძა ციჩიო“.

საბრალდებო დასკვნის მიხედვით, ჯგუფის წევრები ბიზნესმენებს ემუქრებოდნენ და თანხის გამოძალვას ცდილობდნენ. გარდა ამისა, მათ ბრალად ედებათ მოწმეების მუქარა, ფულის გათეთრება და ცეცხლსასროლი იარაღის შენახვა.

ბრალდებულებს 20-დან 180 წლამდე თავისუფლების აღკვეთა ემუქრებათ.

• "გამბინოს ოჯახს" გასული საუკუნის 20-იან წლებში საფუძველი ჩაუყარა განგსტერმა კარლო გამბინომ. კარლო მაფიოზთა ოჯახში დაიბადა და პატარა ასაკიდანვე ჩართული იყო კრიმინალური სამყაროს ცხოვრებაში.
• რამდენიმეწლიანი მშვიდი ცხოვრების შემდეგ, ის ლუჩიანოს მაფიოზური კლანის მმართველის, ალბერტ ანასტასიას მკვლელობაში დაადანაშაულეს, რის შემდეგაც თავად გახდა კრიმინალური დაჯგუფების მთავარი ფიგურა. გამბინოს რეპუტაცია თანდათან უფრო იზრდებოდა, ამიტომ ოჯახის წარმომადგენლებმა გადაწყვიტეს ლუჩიანოს ოჯახისთვის გამბინოს ოჯახი დაერქვათ. ის მაფიოზურ კლანს 22 წელი მართავდა.