"დღეს რომ საპარლამენტო არჩევნები ტარდებოდეს..." - როგორ ნაწილდება გამოკითხულთა ხმები პოლიტიკურ პარტიებზე GORBI-ის კვლევის მიხედვით

ტელეკომპანია "იმედის“ დაკვეთით, GORBI საზოგადოებრივი აზრის კვლევის შედეგებს აქვეყნებს.

შეკითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას, რესპონდენტთა 55% ხმას "ქართულ ოცნებას“ მისცემდა, მეორე ადგილზე კი 20%-ით "ნაცმოძრაობა - სტრატეგია აღმაშენებელია“.

რაც შეეხება სხვა პარტიების მაჩვენებელს, კვლევის შედეგებია ასე გამოიყურება:

"გირჩი მეტი თავისუფლება“ და "დროა“ - 4%

"ლელო“ - 4%

"ევროპული საქართველო“ - 3%

"საქართველოსთვის“ - 3%

"პატრიოტთა ალიანსი“ - 2%

"ლეიბორისტული პარტია“ - 2%

"მოქალაქეები“ - 1%

"გირჩი“ - 1%

სხვა 5%

"იმედის“ ცნობით, საქართველოს საზოგადოებრივი აზრისა და ბიზნესის კვლევის საერთაშორისო ცენტრმა GORBI-მ 30 სექტემბრიდან 20 ოქტომბრის ჩათვლით, 2024 სრულწლოვანი რესპონდენტი გამოკითხა. მათი ინფორმაციით, საველე სამუშაოები შემთხვევითი შერჩევის წესით, მთელი ქვეყნის მასშტაბით ჩატარდა. ცდომილების ზღვარი +/- 2.2 %-ია.