"მებრძოლებზე ღამღამობით თაგვები დარბიან... ჭამენ დამპალ საჭმელს და გაფუჭებულ პურს" - რუსი სამხედროების ცოლები ქმრების უკან დაბრუნებას ითხოვენ

სამარის რეგიონიდან მობილიზებული სამხედრო მოსამსახურეების ცოლებმა თხოვნით მიმართეს სახელმწიფო სათათბიროს დეპუტატს ალექსანდრე ხინშტეინს. ქალები ითხოვენ, რომ დააბრუნონ მათი ქმრები ფრონტის ხაზიდან. რუსმა ქალებმა შექმნეს სპეციალური საინიციატივო ჯგუფი და დეპუტატს ადგილზე ესტუმრნენ. ინფორმაციას რუსეთის მთავრობასთან დაახლოებული მედია LENTA.RU ავრცელებს.

ზოგიერთმა ქალმა აღნიშნა, რომ მათი მეუღლეები ერთ წელზე მეტია, რაც ომის წინა ხაზზე იბრძვიან. ქალები ჩივიან, რომ ჩრდილოეთ სამხედრო ოლქის ზონაში რთული პირობებია.

როგორც სამხედროების ცოლებმა აღნიშნეს, მღრღნელები მათ საყვარელ ადამიანებს ატერორებენ. ”თაგვები ღამით დარბიან ჯარისკაცებზე, ძვრებიან მათ საძილე ტომრებში. ჭამენ საკვებს და აფუჭებენ საბრძოლო მასალას. მათ შორის, ჩვენი ნაყიდიც არის ბევრი რამ. ახლა როგორ უნდა მოვიქცეთ, რა გავაკეთოთ? - ამბობს საინიციატივო ჯგუფის ერთ-ერთი წევრი.

„ჩვენი კაცები ცხოვრობენ სანგრებში, ანტისანიტარულ პირობებში. ისინი გვეუბნებიან, რომ „ჭამენ დამპალ საჭმელს და გაფუჭებულ პურს“.

გარდა ამისა, რუსი ქალების თქმით, სანამ მათი ქმრები ფრონტზე არიან, ისინი კარგავენ კვალიფიკაციას სამოქალაქო პროფესიაში.

ხინშტეინი დაჰპირდა, რომ თხოვნას თავდაცვის სამინისტროს გადაუგზავნიდა. დეპუტატმა ქალებს შეახსენა რუსეთის პრეზიდენტის ვლადიმერ პუტინის გადაწყვეტილება, ოპერაციის დასრულებამდე SVO-ს მონაწილეების სტატუსის შენარჩუნების შესახებ, მაგრამ პირობა დადო, რომ მათ თხოვნას თავდაცვის სამინისტროს გადასცემს.

რუსი ქალები ქმრების მდგომარეობის შესახებ უკვე დიდი ხანია ჩივიან. ჩრდილოეთ სამხედრო ოლქის მებრძოლები ჩივიან რომ მათ შვებულება თითქმის არ აქვთ და უწყვეტად 10-11 თვის მანძილზე ბრძოლის ველზე არიან. ერთ-ერთი მობილიზებულის მეუღლე ამბობს, რომ მის ქმარს სახლში არ უშვებენ შემცვლელის არარსებობის გამო. "როგორც ეუბნებიან, ხალხი არ არის", - განმარტა ქალმა.

ქალების ნაწილმა გადაწყვეტა დამოუკიდებლად წავიდეს ჩრდილოეთ სამხედრო ოლქში ქმრებთან შესახვედრად. მათი თქმით, ქმრები დაღლილები და დეპრესიულები ჩანდნენ, ზოგიერთ მათგანს, ალბათ, ფსიქოლოგიური რეაბილიტაცია დასჭირდება სამოქალაქო ცხოვრებაში დაბრუნების შემდეგ. ყველაზე მეტად, სამხედროებს ენატრებოდათ ძველი სამუშაოები, ოჯახი და სახლში მომზადებული საკვები.

გარდა ამისა, ქალების თქმით, სარდლობა მოხალისეებს პირადი ჰიგიენის დაცვის არანაირ შესაძლებლობას არ აძლევს.