17 დღიანი სამაშველო ოპერაციის შემდეგ, გვირაბის ნანგრევებში მოყოლილი 41-ვე მუშა ცოცხლად გამოიყვანეს - "ვირთხა მაღაროელების" წარმატებული სპეცოპერაცია ინდოეთში
ჩრდილოეთ ინდოეთში მაშველებმა ჰიმალაის მთებში ჩამონგრეული გვირაბის ნანგრევებში ჩარჩენილი მუშაკების გადასარჩენად ოპერაცია დაასრულეს. მათ მიწისქვეშეთში 17 დღე გაატარეს.
შუადრეს უტარახანდის შტატის მთავრობამ განაცხადა, რომ 41-ვე ადამიანი გადაარჩინეს. გვირაბი 17 დღის წინ 4,5 კმ სიღრმეზე ჩაინგრა.
- გვირაბის ჩანგრევის შემდეგ, როგორც კი პირველი ხვრელი გაბურღეს, საფრთხეში ჩავარდნილ ადამიანებს მაქსიმალურად მიაწოდეს საკვები, წყალი და ჟანგბადი. თუმცა იყო საშიშროება, რომ ადრე თუ გვიან ჟანგბადის დეფიციტი დაიწყებოდა, რაც უარყოფით გავლენას მათ მდგომარეობაზე.
სამაშველო ოპერაციაში ასზე მეტი ადამიანია იყო ჩართული. მთავარი იყო ნანგრევებში ბეტონის მილის გაყვანა, რითიც ადამიანები მიწისქვეშეთიდან გამოაღწევდნენ. გავრცელებული ინფორმაციით, მაშველებმა ბოლო ხუთი მეტრი გაბურღეს, რის შემდეგაც 57 მეტრიანი მილით მუშების ზედაპირზე ამოყვანა დაიწყეს.
ორშაბათს სამაშველო ოპერაციაში ჩაერთო მაშველთა სპეციალური დანაყოფი, რომელსაც ინდოეთში "ვირთხა მაღაროელებს" ეძახიან. ისინი ძირითადად მუშაობენ ქვანახშირის მაღაროებში, ძალიან ვიწრო სივრცეებში.
უტარხანდის შტატის მთავრობის მეთაურმა, პუშკარ სინგ დამიმ განმარტა, რომ მუშაობა თავიდან ნელა მიდიოდა, რადგან აღჭურვილობა ნანგრევებში ბურღვისას მუდმივად ეჯახებოდა ლითონის დაბრკოლებებს.
მუშების ახლობლებმა ნანგრევების ადგილზე ბანაკი მოაწყვეს და მათთან შეხვედრას ელოდნენ. ადგილზე ჰქონდათ ჩანთები ტანსაცმლით და ყველაფერით, რაც მათ სჭირდებოდათ, თუმცა ხელისუფლებამ გააფრთხილათ, რომ ხალხის მიწიდან ამოყვანის შემდეგ მათ საავადმყოფოებში გადაიყვანდნენ.
შემთხვევის ადგილზე მყოფმა ჟურნალისტებმა განაცხადეს, რომ მილის ღიობთან სასწრაფო დახმარების მანქანები იდგა. 4,5 კილომეტრიანი გვირაბი ჩრდილოეთ ჰიმალაის შტატ უტარახანდში გზის მშენებლობის პროექტის ნაწილი იყო.
გვირაბის ჩამონგრევის მიზეზები უცნობია, მაგრამ ამ რეგიონში ხშირად ხდება მეწყერები, მიწისძვრები და წყალდიდობები.