"10-ზე მეტი ჭრილობა ჰქონდა გარდაცვლილს... რომ ესროლა, დედაც იქ იყო" - რა ახალი დეტალები ხდება ცნობილი საგარეჯოში მომხდარი მკვლელობის თაობაზე
საგარეჯოს სოფელ თულარში გუშინ მომხდარი მკვლელობის შესახებ გარკვეული დეტალები ხდება ცნობილი. მოკლულია 36 წლის იაშარ ჯაფაროვი.
სავარაუდო დამნაშავე კი 40-წლამდე ხეირ ხაბაროვია. ადგილობრივების ინფორმაციით, მკვლელობის შემდეგ სოფელში არ გამოჩენილან ხაბაროვის ოჯახის წევრები.
ერთ-ერთი ადგილობრივის ინფორმაციით, გარდაცვლილის ცეცხლსასროლი იარაღიდან 10-ზე მეტი ჭრილობა აქვს მიყენებული. რაც შეეხება ქალს, ის მძიმედ არის დაჭრილი და ამ დრომდე საავადმყოფოში რჩება.
არსებული ინფორმაციით, ხაბაროვს მეუღლე 6 თვის წინ დაშორდა და იაშარ ჯაფაროვზე დაქორწინდა. ამის გამო ხაბაროვი ყოფილ მეუღლეს სისტემატიურად ემუქრებოდა.
თულარის მცხოვრების თქმით, ხაბაროვმა ჯაფაროვი დედის თვალწინ მოკლა.
"10-ზე მეტი ჭრილობა ჰქონდა გარდაცვლილს. ცოლი მოიყვანა ამ ბიჭმა და ამის გამო მკვლელი სულ ემუქრებოდა, მოგკლავო. დედაც იქ იყო, როცა ესროლეს, გადარჩა." - განაცხადა ერთ-ერთმა ადგილობრივმა "მთავარ არხთან".
შსს-ს ინფორმაციით, გამოძიება 19 -109 მუხლით მიმდინარეობს, რაც ორი ან მეტი პირის მიმართ დამამძიმებელ გარემოებაში განზრახ მკვლელობის მცდელობას გულისხმობს.
ხაბაროვი შემთხვევის ადგილიდან მიიმალა და სამართალდამცავები ამ დრომდე ეძებენ.
ასევე იხილეთ: