ხვიჩას პირველი მატჩი "სანტიაგო ბერნაბეუზე": დინამიკური და საინტერესო ბრძოლა - "ნაპოლი" პირველი ტაიმის შემდეგ "რეალთან" მარცხდება

ჩემპიონთა ლიგის ჯგუფური ეტაპის მეხუთე ტურში "ნაპოლი" სტუმრად "რეალს" "სანტიაგო ბერნაბეუზე" ეთამაშება და პირველი ტაიმის შემდეგ ანგარიშით 2:1 აგებს.

გუნდები ასეთი სასტარტო შემადგენლობებით გავიდნენ მოედანზე:

"რეალი":

ლუნინი, კარვახალი, ალაბა, რიუდიგერი, მენდი, ბრაიმ დიასი, მენდი, კროოსი, ვალვერდე, ბელინგემი, როდრიგო

"ნაპოლი":

მერეტი, დი ლორენცო, ჟუან ჟეზუსი, რაჰმანი, ნატანი, ანგისა, ზილენსკი, ლობოტკა, პოლიტანო, კვარაცხელია, სიმეონე

პირველი ტაიმი ორმხრივი შეტევებით დაიწყო. ანგარიში მე - 9 წუთზე გაიხსნა, როდესაც ხვიჩა კვარაცხელიას "რეალის" საჯარიმოში ჩაწოდების შემდეგ დი ლორენცომ ბურთი სიმეონეს დაუგდო, მან კი გატანა მოახერხა. მადრიდელებმა მალევე შეძლეს ანგარიშის გათანაბრება. როდრიგომ მერეტის კარში ულამაზესი გოლი გაიტანა. 22-ე წუთზე კი ბელინგების გოლით მასპინძლები წინ გავიდნენ. ტაიმი მეტად დინამიკური და საინტერესო გამოვიდა, ბოლო წუთებზე "ნაპოლი" ბევრს უტევდა, აქტიურობდა ხვიჩაც, მაგრამ მეტი გოლი პირველ გახევარში არ გასულა.

იხილეთ ასევე:

• უშეღავათო ბრძოლა და ულამაზესი გოლები "სანტიაგო ბერნაბეუზე" - კვარაცხელიას "ნაპოლი" "რეალთან" დამარცხდა