როგორ მოვრთოთ ნაძვის ხე საახალწლოდ – დალი ჩიტალაძის რეკომენდაციები

თუ ნაძვის ხე ჯერ არ მოგირთავთ, მაშინ თქვენთვის საინტერესო რეკომენდაციები გვაქვს დალი ჩიტალაძისგან. როგორც ქალს სჭირდება ლამაზად ჩაცმა, ისევე სჭირდება ნაძვის ხეს მორთვა - აღნიშნავს დალი, რომლისთვისაც ახალი წელი ერთ-ერთი ყველაზე საყვარელი, ლამაზი და სასურველი დღესასწაულია.

თუ ნაძვის ხე ჯერ არ მოგირთავთ, მაშინ თქვენთვის საინტერესო რეკომენდაციები გვაქვს მოდის ექსპერტი დალი ჩიტალაძისგან. მოდის ექსპერტი ამბობს, რომ ახალი წელი მისთვის ერთ-ერთი ყველაზე საყვარელი, ლამაზი და სასურველი დღესასწაულია.

„ახალი წლის მოახლოებასთან ერთად, თავი ისევ ის სკოლის მოსწავლე მგონია, რომელსაც ერთი სული ჰქონდა, დედას ნაძვის ხე ჩამოეღო. დღემდე ასეთი სიხარულისა და მოლოდინის განცდა მაქვს. მეტიც, წლების მატებასთან ერთად, ეს განცდა მიმძაფრდება,“ - გვიამბობს დალი ჩიტალაძე, რომელიც გვირჩევს:

• ნაძვის ხის მორთვა დაიწყეთ განათებით. თანაბრად შემოახვიეთ მთელ ნაძვის ხეს თქვენთვის სასურველი განათება. მისი შემოხვევა უნდა დაიწყოთ ზემოდან ქვემოთ მიმართულებით;
• ვიდრე ნაძვის ხის მორთვას დაიწყებთ, მოიფიქრეთ, რომელ ფერებს გამოიყენებთ. ნაძვის ხე არ უნდა იყოს ძალიან ჭრელი. გამოიყენეთ ერთი ფერის გრადაციები ან შეურიეთ 3 ფერი. მაგალითად, ძალიან ლამაზია ვარდისფერი, თეთრი და ვერცხლისფერი. ასევე, რადგან მწვანე ხის დრაკონის წელი მოდის, ძალიან აქტუალურია მწვანე ფერი, რომელიც ასევე ვერცხლისფერსა და გამჭვირვალესთან შეგიძლიათ გამოიყენოთ კომბინაციაში;
• განათების შემდეგ, ნაძვის ხეს თავზე გაუკეთეთ გვირგვინი და შემდეგ გააგრძელეთ მორთვა ზემოდან ქვემოთ. გაითვალისწინეთ, პატარა ზომის სათამაშოები დაკიდეთ ზემოთ, დიდები კი - ქვემოთ;
• აქტუალობას არასდროს კარგავს ვინტაჟური ნაძვის ხე. თქვენც შეგიძლიათ ვინტაჟური სათამაშოებით მორთოთ თქვენი ნაძვის ხე;
• წელს, საკმაოდ ტრენდულია გრძელი სათამაშოებითა და წვიმებით მორთული ნაძვის ხე;
• ნაძვის ხე უნდა იყოს სავსე და დახუნძლული.

„აქვე გირჩევთ, არასდროს აჰყვეთ უბრალოდ ტენდენციებს და ყოველთვის გაითვალისწინეთ საკუთარი გემოვნება და სურვილები. ნაძვის ხის მორთულობა თქვენს ინტერიერს უნდა უხდებოდეს და თქვენს ხასიათსა და განწყობას შეესაბამებოდეს. ნაძვის ხისა და აქსესუარების შესაძენად კი შეგიძლიათ ეწვიოთ „ბიბლუსის საახალწლო ფესტივალს“, რომელიც 7-10 დეკემბერს, „ექსპო ჯორჯიას“ მე-11 პავილიონში გაიმართება. აქ თქვენ დაგხვდებათ ყველაფერი, რასაც ახალი წელი მოჰყავს და რაც ძალიან მნიშვნელოვანია, გელოდებათ საუკეთესო შეთავაზებები, ფასდაკლება და ქეშბექი. მეც იქვე ვიქნები და საუკეთესო აქსესუარების შერჩევაში დაგეხმარებით,“ - აღნიშნავს დალი ჩიტალაძე.

#ბიბლუსი

#ბიბლუსისჯგუფი

#ბიბლუსისსაახალწლოფესტივალი