რატომ ჩავიდა პუტინი არაბთა გაერთიანებულ საემიროებში?
რუსეთის სახელმწიფო მედიის ცნობით, ვლადიმერ პუტინი არაბთა გაერთიანებულ საემიროებში ჩავიდა. უკრაინაში შეჭრის შემდეგ, ეს პუტინისთვის ახლო აღმოსავლეთში მეორე ვიზიტია. ლიდერები შეხვედრაზე ნავთობს, ვაჭრობასა და ისრაელ-ჰამასის კონფლიქტს განიხილავენ.
„დღეს, თქვენი პოზიციის წყალობით, ჩვენმა ურთიერთობამ უპრეცედენტო დონეს მიაღწია“, - განუცხადა პუტინმა არაბეთის გაერთიანებულ საემიროების პრეზიდენტს შეიხ მოჰამედ ბინ ზაიდ ალ ნაჰიანს.
„შეხვედრაზე განიხილავენ ორმხრივი თანამშრომლობის ამჟამინდელ მდგომარეობას და კავშირების შემდგომი გაფართოების პერსპექტივებს, ასევე აქტუალურ საერთაშორისო საკითხებს", - ნათქვამია კრემლის განცხადებაში.
მოგვიანებით პუტინი საუდის არაბეთში გაემგზავრება და პრინც მოჰამედ ბინ სალმანს შეხვდება. ხოლო, ხუთშაბათს მოსკოვში ირანის პრეზიდენტ ებრაჰიმ რაისს უმასპინძლებს. შეგახსენებთ, რომ რუსეთ-უკრაინის ომის პერიოდში კრემლის ალიანსი ირანთან საგრძნობლად გაიზარდა - თეირანი რუსეთის სავაჭრო პარტნიორი და იარაღის მიმწოდებელია.