"არასოდეს იცის, რა მოუვა, მერე ვისთან დარჩებიან ბავშვები? მას ბევრი დაავადება აქვს" - რას ჰყვება მეგობარი ალა პუგაჩოვას შესახებ?
"მას ბევრი დაავადება აქვს", - ამ სიტყვებით იწყებს საუბარს ალა პუგაჩოვას მეგობარი ლუბა აქსენოვა. ქალის სიტყვებს მედია ციტირებს და წერს, რომ პრიმადონამ რუსეთი შვილებზე ზრუნვის მიზნით დატოვა.
აქამდე წერდნენ, რომ ალამ რუსეთი მეუღლის, შოუმენ მაქსიმ გალკინის გამო დატოვა, რომელიც კრემლმა უცხოეთის აგენტების სიაში შეიყვანა, მაგრამ აქსენოვა ამტკიცებს, რომ ასე არ არის.
"ჯანდაბა მას, გალკინს... მას ესმის, რომ მათ ორი შვილი ჰყავთ. პირველ რიგში, მათზე უნდა ეფიქრა! როგორ შეეძლო შვილების მიტოვება?! ალას სჯერა, რომ ბავშვები მამასთან ერთად უნდა გაიზარდონ. არასოდეს იცის, რა მოუვა ხვალ. მერე ვისთან დარჩებიან ბავშვები? როგორ ფიქრობთ, მას მართლა სჯერა, რომ უკვდავია? - არა, ამის ნამდვილად არ სჯერა: მას ბევრი დაავადება აქვს", - ამბობს აქსენოვა.
მისივე თქმით, პუგაჩოვას საზღვარგარეთ "მძიმე დრო" უდგას. .
შეგახსენებთ, რომ ალა პუგაჩოვა რამდენიმე დღის წინ კვიპროსში, მაღაზიაში ცუდად გახდა. პუგაჩოვა ტანსაცმლის ადგილობრივ მაღაზიას ეწვია. შოპინგის დროს მოულოდნელად თავი ცუდად იგრძნო.
პრიმადონამ გამყიდველს უთხრა, რომ თავს კარგად არ გრძნობდა. როგორც გაირკვა, მას ფეხების შეშუპება აწუხებს.
"ის იძულებული გახდა უფრო დიდი ზომის ფეხსაცმელი ეყიდა, რადგან რაც იქამდე ეცვა აღარ ჩაეტია. იმ დღეს ქალი ძალიან ცუდად გამოიყურებოდა“, - ამბობს თვითმხილველი.