"საზიზღარი, გულისამრევი ვიდეოა" - რას ამბობს ბაბი კირკიტაძე, რომელიც საგამოძიებო უწყებაში მივიდა
მომღერალი ბაბი კირკიტაძე საგამოძიებო უწყებაში გამოკითხვაზე მივიდა. გამოკითხვაზე შესვლამდე კი მცირე კომენტარი გააკეთა ჟურნალისტებთან. მისი თქმით, კადრები, რომელიც მას გაუვრცელეს სოციალურ ქსელებში, დამონტაჟებულია.
"გულისამრევი და საზიზღარი ვიდეომონტაჟი ვნახე საკუთარ თავზე. ამას ასე ვერ დავტოვებდი. ვიდეოს ნახვის შემდეგ პროფესიონალებს დავუკავშირდი და მათ მითხრეს, რომ არც ძალიან პროფესიონალურ დონეზე დამოტაჟებული ვიდეოა, მაგრამ არც სამოყვარულო.
საზიზღარი, გულისამრევი ვიდეოა. სადაც ნათლად არის ჩემი სახე ჩასმული, ასევე ჟღერდება ჩემი სახელიც.
კარგად არის დამონტაჟებული. წარმოდგენაც კი არ მაქვს ვინ შეიძლება იყოს ასეთი ავადმყოფი და ბოროტმოქმედი. მე საკმარისი ძალა მოვიკრიბე და ამას მივიყვან ბოლომდე", - თქვა ჟურნალისტებთან მომღერალმა.
ცნობისთვის, რამდენიმე დღის წინ ბაბი კირკიტაძემ სოციალურ ქსელში, ოფიციალურ გვერდზე განცხადება გამოაქვეყნა, სადაც გავრცელებული ვიდეოს შესახებ წერდა.
"ვერასდროს წარმოვიდგენდი, თუ მსგავსი რამის დაწერა მომიწევდა, მაგრამ როგორც ჩანს ადამიანების ბოროტებას საზღვარი არ აქვს !!!
პირობას გაძლევთ, ადრე თუ გვიან ყველას პასუხი მოგეთხოვებათ, დამმონტაჟებელსაც და თითოეულ გამავრცელებელსაც ამ ცილისწამებისთვის! ვერც ჩურჩულით დადებული ხმა გიშველით და ვერც შუაში “სპიშკით” გადაფარული და დამონტაჟებული საზიზღრობა ფეიკით შემაშინებთ ..!!!
ყველასთვის გასაგები რომ იყოს: ჭორებით, დაცინვით და ათასი საშინელებით რომ ვერაფერი მიქნეს, ახლა ისეთ ამაზრზენ ვიდეომონტაჟს ავცელებენ ჩემზე ჩათებში, პორნოსაიტებზეც რომ აღარ დებენ.
მე ამასაც გავუძლებ, ამასაც რაღაცნაირად გადავიტან.იმ საზიზღრობის შემქმნელებს და გამავრცელებლებს რაც შეეხებათ, ისინი მთელი თავისი ცხოვრება თავისივე ბოროტებაში და ბოღმაში ჩაიხრჩობიან.აუცილებლად შევიტან სარჩელს და მანამ არ გავჩერდები, სანამ ყველა დამნაშავე პასუხს არ აგებს !" - წერდა ბაბი კირკიტაძე.