საბავშვო ლიტერატურული პრემია „ნაკადულის“ მოკლე სია ცნობილია: "პალიტრა L"-ის რომელი წიგნები მოხვდა სხვადასხვა ნომინაციებში

თბილისში, საქართველოს წიგნის გამომცემელთა და გამავრცელებელთა ასოციაციისა და თბილისის მულტიფუნქციური ბიბლიოთეკების გაერთიანების ორგანიზებითა და თბილისის მერიის მხარდაჭერით, მესამედ გაიმართა პრესტიჟული საბავშვო ლიტერატურული პრემია „ნაკადული“. ეს ღონისძიება არა მხოლოდ ავლენს გამორჩეულ მიღწევებს საბავშვო ლიტერატურის სამყაროში, არამედ აჯილდოვებს ნიჭიერ ავტორებს, რომელთა შემოქმედება ბავშვების გულისა და გონების განუყოფელი ნაწილი ხდება.

პრემიის მოკლე სია უკვე ცნობილია. ჟიურიმ 18 წიგნი შეარჩია, მათ შორის სხვადასხვა ავტორისა და გამომცემლის ნამუშევრები. გამომცემლობა „პალიტრა L“-ის წიგნებიდან, მოკლე სიაში მოხვდნენ:

ნომინაციაში საუკეთესო პროზაული წიგნის კატეგორია, გამომცემლობა „პალიტრა L“-ის შემდეგი წიგნები დასახელდა:

„ბებე მაწანწალების უფლისწული“ - ავტორი თამრი ფხაკაძე;

„ამბები კატა კოტოსი“ - ავტორი ვასო გულეური.

საუკეთესო პოეტური წიგნის ნომინაციაში მხოლოდ 2 ნამუშევარი მოხვდა და ორივე „პალიტრა L”-ის გამოცემულია:

„კარგად ყოფნის წესები“ - ავტორი თუთა ჯგუშია;

„ანბან-ანგელოზები“ - ავტორი ლელა ცუცქირიძე.

საუკეთესო საგანმანათლებლო-შემეცნებითი წიგნის ნომინაციაში კი ლელა ცუცქირიძის „ანბან-ანგელოზები“ მოხვდა.

პრემია "ნაკადულისთვის" შერჩეული ხუთი გამოჩენილი ადამიანისგან შემდგარი ჟიური, გამარჯვებულებს სხვადასხვა კატეგორიაში გამოავლენს. მათ გადაეცემათ დამსახურებული ჯილდო და პრემია 2500 ლარის ოდენობით, საქართველოში საბავშვო ლიტერატურაში შეტანილი შემოქმედებითი წვლილის აღიარებისა და წახალისების მიზნით.

დაჯილდოების ცერემონია დაგეგმილია 14 დეკემბერს 17:00 საათზე და ის ვაკის მედიათეკაში გაიმართება. ეს ღონისძიება იქნება არა მხოლოდ გამარჯვებულებისთვის, არამედ იმ საზოგადოებისთვისაც, რომელიც დაინტერესებულია და პატივს სცემს საბავშვო ლიტერატურას.

ნაკადულის პრემიის მიზანია არა მხოლოდ საბავშვო ნაწარმოებებზე მომუშავე ნიჭიერი ავტორების აღიარება და წახალისება, არამედ ქართული საბავშვო ლიტერატურის განვითარების ხელშეწყობა, კითხვისა და ლიტერატურული შემოქმედებისადმი საზოგადოების ინტერესის ამაღლება.

შეგახსენებთ, რომ პრემია „ნაკადული“, იუნესკოს პროექტ „თბილისი - წიგნის მსოფლიო დედაქალაქის“ მიერ ორგანიზებული თბილისის საბავშვო წიგნის ფესტივალის ფარგლებში დაარსდა 2021 წელს.

პრემიის სახელი ერთ-ერთ პირველ, ლეგენდარულ ქართულ საბავშვო ჟურნალ „ნაკადულს“ უკავშირდება, რომელიც 1904-1927 წლებში გამოიცემოდა და მასთან თანამშრომლობდნენ აკაკი წერეთელი, ვაჟა-ფშაველა, შიო მღვიმელი, ლეო ქიაჩელი, ეკატერინე გაბაშვილი და სხვები.

ნაკადულის პრემია აგრძელებს ამ შესანიშნავ ტრადიციულ გზას, თანამედროვე ქართული საბავშვო ლიტერატურის შემოქმედების მხარდაჭერითა და წახალისებით. მისი მნიშვნელობა ბევრად სცილდება უბრალო ჯილდოს, რადგან შთააგონებს მწერლებსა და მკითხველების ახალ თაობას.

R