რუსეთში ქათმის კვერცხს "ოქროს ფასი" დაედო - ქვეყანაში პროდუქტის დეფიციტია: "ზოგიერთ რეგიონში მაღაზიებმა კვერცხის ცალობით გაყიდვა დაიწყეს - 8-11 რუბლად"
რუსეთში ქათმის კვერცხის ფასი საგრძნობლად გაიზარდა - ბოლო ორ თვეში პროდუქტი 30%-ით გაძვირდა. Rosstat-ის თანახმად, წლის დასაწყისიდან ქათმის კვერცხის საშუალო საცალო ფასი 36,5%-ით გაიზარდა, ხოლო 2022 წლის დეკემბრიდან -42%-ით.
- კვერცხის ფასი წლის განმავლობაში ყველაზე მნიშვნელოვნად გაიზარდა ტივას რესპუბლიკაში, ხაკასიაში, პენზას რეგიონში, ჩეჩნეთის რესპუბლიკაში, კემეროვოსა და როსტოვის რეგიონებში და დაღესტნის რესპუბლიკაში. ფასების ზრდისა და ამ პროდუქტზე მზარდი მოთხოვნის ფონზე, ზოგიერთ რეგიონში მაღაზიებმა კვერცხის ცალობით გაყიდვა დაიწყეს - 8-11 რუბლი ცალი.
ერთ-ერთ ძირითად საკვებ პროდუქტზე ფასების მნიშვნელოვანმა ზრდამ ფედერალური ხელისუფლების ყურადღება მიიპყრო. რუსეთის ფედერაციის გენერალურმა პროკურატურამ გასულ კვირას განაცხადა, რომ დეპარტამენტი ჩაატარებს გამოძიებას და შესაბამის ზომებს მიიღებს: ოთხშაბათს, 13 დეკემბერს, რუსეთის მთავრობამ მხარი დაუჭირა სოფლის მეურნეობის სამინისტროს წინადადებას კვერცხის იმპორტზე გადასახადების გაუქმების შესახებ.
"გადაწყვეტილება მოკლევადიან პერსპექტივაში დაეხმარება საკვები კვერცხების შიდა ბაზრის დაბალანსებას და მიწოდების ზრდის უზრუნველყოფას,” - ნათქვამია ქვეკომიტეტის გადაწყვეტილებაში.
ვარაუდობენ, რომ ქათმის კვერცხზე იმპორტის გადასახადი, რომელიც ამჟამად 15%-ია, 2024 წლის 1 იანვრიდან 30 ივნისის ჩათვლით გაუქმდება.