"შაბათის შოუს" სერიოზული კონკურენტები გამოუჩნდა" - კახა კალაძე "ნაცმოძრაობაზე" და "სტრატეგია აღმაშენებელზე"
შეხედეთ მათ ლიდერებს, მათ პერფორმანსს - “შაბათის შოუს” სერიოზული კონკურენტები გამოუჩნდა,- ამის შესახებ “ქართული ოცნების” გენერალურმა მდივანმა, დედაქალაქის მერმა კახა კალაძემ “ნაციონალური მოძრაობისა” და “სტრატეგია აღმაშენებლის” კოალიციაზე საუბრისას განაცხადა, რითაც ამ პარტიების რეიტინგზე ჟურნალისტის კითხვას უპასუხა.
როგორც კალაძემ განაცხადა, აღნიშნული პარტიები მომავალშიც “საინტერესო თეატრალურ წარმოდგენებს შემოგვთავაზებენ”.
"რატომ გვიკვირს, რომ მათი რეიტინგი დავარდნილია? შეხედეთ მათ ლიდერებს, მათ პერფორმანსს - ეს ყველაფერი რეიტინგზეც აისახება. საინტერესო შოუებს აწყობენ გართობის თვალსაზრისით. “შაბათის შოუს” სერიოზული კონკურენტები გამოუჩნდა და ვნახოთ, საინტერესო თეატრალურ წარმოდგენებს შემოგვთავაზებენ ალბათ მომავალშიც”,- განაცხადა კახა კალაძემ.