ვერტმფრენის მოედანი, საცურაო აუზები, სპა და... - პრიგოჟინის აგარაკი რუსეთის უმდიდრეს ადამიანს გადაეცა: რას წერს მედია "ვაგნერის" დამფუძნებლის გელენჯიკის სახლზე
"ვაგნერის" ყოფილი ხელმძღვანელის ევგენი პრიგოჟინის კოტეჯი, რომელიც გელენჯიკის მახლობლად მდებარეობს, რუს ბიზნესმენსა და Transmashholding-ის ყოფილ მფლობელს ანდრეი ბოკარევს გადაეცა. ბოკარევი 2023 წელს, რუსეთის უმდიდრეს ბიზნესმენთა სიაში მოხვდა.
Spark-ის მონაცემთა ბაზაში ნათქვამია, რომ პრიგოჟინის გარდაცვალების შემდეგ, კოტეჯი მის 25 წლის შვილს, პაველს გადაეცა, ამჟამად კი იგი ბოკარევის მფლობელობაშია.
- ორსართულიანი სახლის საერთო ფართი 1,2 ათასი კვადრატული მეტრია. კოტეჯის ტერიტორიაზე განთავსებულია ვერტმფრენის მოედანი, ორი ღია საცურაო აუზი და სპა. ქონება 150 მილიონ რუბლადაა შეფასებული.
ანდრეი ბოკარევის ქონება 2,7 მილიარდ დოლარს შეადგენს. ის რუსეთის უმდიდრეს ბიზნესმენთა სიაში 47-ე ადგილს იკავებს. მისი ფინანსური ინტერესები კონცენტრირებულია მინერალების მოპოვებისა და დამუშავების, სამოქალაქო ინჟინერიის და იარაღის სფეროში.
57 წლის ანდრეი ბოჩაროვი გასული წლიდან გაერთიანებული სამეფოს სანქციების ქვეშ იმყოფება უკრაინაში რუსეთის შეჭრის მხარდაჭერის გამო.