"მეცში" დაბრუნებით ბედნიერი ვარ და ეს სიყვარული მაღელვებს" - გიორგი მიქაუტაძის პირველი კომენტარი
გიორგი მიქაუტაძის "აიაქსიდან" იჯარით კონტრაქტის გამოსყიდვის უფლებით დაბრუნება "მეცმა" თავისი საიტით დაადასტურა.
ქართველმა თავდამსხმელმა პირველი კომენტარი გააკეთა: "აქ დაბრუნებით მართლაც ძალიან ბედნიერი ვარ. როდესაც "აიაქსში" წავედი, ბევრი შეტყობინება მივიღე და ბოლო დღეებში კიდევ უფრო მეტი შეტყობინება მომივიდა.
მინდა ყველას მადლობა გადავუხადო, რადგან მთელი ეს სიყვარული ძალიან მაღელვებს. ნამდვილად ბევდიერი ვარ იმით, რომ "მეცის" მაისურს მოვირგებ და მოუთმენლად ველი ამ მაისურით გულშემატკივრების წინაშე გასვლას".