"ერთ-ერთი ხატმწერის მიერ დაწერილი რაღაც პატარა გამოსახულებაა, რამდენიმე თვეა ეს ხატი იქ არის" - რას ამბობს სამების ტაძრის მღვდელმსახური ხატზე სტალინის გამოსახულებით
სოციალურ ქსელში სამების საკათედრო ტაძრიდან გავრცელდა კადრები, სადაც წმინდა მატრონას ხატზე სტალინის გამოსახულება ჩანს. საზოგადოების ნაწილის მხრიდან ამ საკითხს მწვავე პროტესტი და კრიტიკა მოჰყვა.
- სამების ტაძრის მღვდელმსახური ამ თემაზე კომენტარს აკეთებს და ამბობს, რომ ეს ე არის ერთ-ერთი ხატმწერის მიერ დაწერილი "რაღაც პატარა გამოსახულება".
"დღეს არის დღესასწაული და ასეთ თემაზე არ ღირს რა...არ გავურბივარ პასუხს, ის არ არის ხატი, არის ერთ-ერთი ხატმწერის მიერ დაწერილი რაღაც პატარა გამოსახულება, რომლისთვისაც ყურადღება არავის არ მიუქცევია გარდა ჟურნალისტებისა და ატეხეს ერთი ამბავი.
რამდენიმე თვეა ეს ხატი იქ არის, მაგრამ არც ჩანს ფაქტობრივად, მაგრამ ვიღაც ადამიანებმა ატეხეს ერთი ამბავი", - ამბობს სასულიერო პირი.