"ოქროს გლობუსის" 81-ე ცერემონია - "ოპენჰაიმერის" ტრიუმფი, "ბარბის" იმედგაცრუება და ცნობილი მსახიობები წითელ ხალიჩაზე

"ოქროს გლობუსის" 81-ე დაჯილდოება წლის ყველაზე პოპულარული ფილმების, მათი რეჟისორებისა და მსახიობებისთვის განსაკუთრებით გულუხვი იყო. როგორც მოსალოდნელი იყო, ყველაზე მეტ ნომინაციაში "ბარბენჰაიმერი" იყო წარდგენილი ("ბარბენჰაიმერი" - ეს სახელი კინომოყვარულებმა ფილმ "ბარბისა" და "ოპენჰაიმერის" გაერთიანებით შეადგინეს, რადგან ორივე ფილმი ერთსა და იმავე პერიოდში გადიოდა კინოთეატრებში და ორივე დიდი პოპულარობით სარგებლობდა).

"ოქროს გლობუსზე" კრისტოფერ ნოლანის "ოპენჰაიმერმა" არაერთი ჯილდო მიიღო. ფილმმა საუკეთესო რეჟისორის, დრამის საუკეთესო მსახიობისა და საუკეთესო კინოდრამის კატეგორიებში გაიმარჯვა.

"ოპენჰაიმერს" კონკურენციას გრეტა გერვიგის "ბარბი" უწევდა, რომელიც დაჯილდოებაზე ყველაზე მეტჯერ იყო ნომინირებული. ამის მიუხედავად, ფილმმა მხოლოდ 2 კატეგორიაში მიიღო ჯილდო. კინოკრიტიკოსების შეფასებით, "ბარბი" წლის ყველაზე მაღალშემოსავლიან ფილმად დასახელდა.

დამსახურებული ჯილდო მიიღო ბერძენი რეჟისორის, იორგოს ლანთიმოსის ფილმმა "Poor Things", რომელშიც მთავარ როლში ემა სტოუნი გვევლინება. მხატვრულმა ფილმმა "ოქროს გლობუსი" საუკეთესო მიუზიკლისა და კომედიის ნომინაციაში მიიღო.

საუკეთესო ანიმაციად ყველასთვის საყვარელი რეჟისორის, ჰაიაო მიაძაკის ფილმი "The Boy and the Heron" დასახელდა.

რაც შეეხება სატელევიზიო შოუებს, აქ ყველა კატეგორიაში "Succession", "The Bear" და "Beef" დომინირებდნენ.

ახლდა კი თვალი გადავავლოთ "ოქროს გლობუსის" წითელ ხალიჩას:

წყარო: cnn

მოამზადა: ანა სიბოშვილმა