მძიმედ დაშავდა ერთ-ერთი მოზარდის დედაც - რა ახალი ახალი დეტალები ხდება ცნობილი ბოლნისში მომხდარ ავტოსაგზაო შემთხვევაზე, რომელსაც ორი არასრულწლოვანი ემსხვერპლა

ბოლნისის მუნიციპალიტეტის სოფელ ბალახაურში, გზის პირას ბოსტნეულით მოვაჭრე ორ არასრულწლოვანს და ერთ-ერთი არასრულწლოვანის დედას გადაჭარბებული სიჩქარით მიმავალი მსუბუქი ავტომობილი დაეჯახა.

• თვითმხილველების ცნობით, არასრულწლოვნები ადგილზევე დაიღუპნენ. მძღოლი სამართალდამცველებმა შემთხვევის ადგილზე დააკავეს.

Ambebi.ge-ს ინფორმაციით, სოფელ ბალახაურის მკვიდრ გარემოვაჭრეებს გადაჭარბებული სიჩქარით მიმავალი "მერსედესის“ მარკის ავტომანქანა დაეჯახა,

შედეგად, ორი არასრულწლოვანი ბიჭი ადგილზე გარდაიცვალა და მძიმედ დაშავდა ერთ-ერთი მოზარდის დედა, რომელიც სასწრაფო-სამედიცინო დახმარების ეკიპაჟმა კლინიკაში გადაიყვანა (თავდაპირველად გავრცელდა ინფორმაცია, რომ გარდაცვლილები ძმები არიან, თუმცა ჩვენი ინფორმაციით, მოზარდები ძმები არ იყვნენ - რედ.).

ადგილობრივების თქმით, ავარიის შედეგად დაშავდა "მერსედესის“ მარკის ავტომანქანაში მყოფი სამი ადამიანიც.