"სამარცხვინო და ბინძური ხარ! მრცხვენია შენი მსჯელობის უნარის გამო. ჩემი სახელი აღარ ახსენო" - ვიქტორ ოსიმენი მამუკა ჯუღელს
"ნაპოლის" შემტევმა ვიქტორ ოსიმენმა, თანაგუნდელის, ხვიჩა კვარაცხელიას აგენტის, მამუკა ჯუღელის შესახებ "ინსტაგრამზე" სთორი გამოაქვეყნა, სადაც მამუკას სამარცხვინო უწოდა.
"ძვირფასო მამუკა ჯუღელო, სამარცხვინო და ბინძური ხარ! მრცხვენია შენი მსჯელობის უნარის გამო. ჩემი სახელი აღარ ახსენო, იდიოტო", - წერს ოსიმენი.
- ოსიმენის ასეთი გაბრაზების მიზეზი სავარაუდოდ, მამუკა ჯუღელის ინტერვიუა, რომელიც მან საზოგადოებრივ მაუწყებელს მისცა და სადაც ოსიმენის შესახებ ისაუბრა.
"თქვენ გგონიათ, მთელი ცხოვრება ნეაპოლში ითამაშებს ოსიმენი? მაშინ მე წინასწარ გეტყვით, ზაფხულის სატრანსფერო ფანჯარაზე წავა საუდის არაბეთში. ხვიჩას მილიარდი რომ მისცე, არაბეთში არ წავა, ხვიჩა წავა "რეალში", "ბავარია", "ბარსელონა", "მანჩესტერ სიტი", ამ გუნდებს სიტყვაზე გეუბნებით.
ხვიჩას სხვა გემოვნება და სხვა ცხოვრებისეული ტვინი აქვს. ხვიჩას სურს, რომ სულ ზემოთ იყოს და ასეც იქნება", - განაცხადა ჯუღელმა.