"პრეზიდენტის სტუმრების დაკავებამ პოლონეთის ღირსება შეურაცხყო" - პოლონეთის ყოფილი შს მინისტრი პრეზიდენტის სასახლეში დააკავეს - მან შიმშილობა დაიწყო

9 იანვარს, პოლონეთის პოლიციამ ქვეყნის ყოფილი შინაგან საქმეთა მინისტრი მარიუშ კამინსკი და მისი მოადგილე მაჩიეი ვონსიკი დააკავა. ყოფილი მაღალჩინოსნები პრეზიდენტის სასახლეში დააკავეს, სადაც ისინი პოლონეთის პრეზიდენტმა ანჟეი დუდამ მიიწვია.

დაკავების დროს პრეზიდენტი სასახლეში არ იმყოფებოდა.

• ანჯეი დუდას ოფისმა აღნიშნა, რომ პრეზიდენტის სტუმრების დაკავებამ პოლონეთის სახელმწიფო ღირსება შეურაცხყო. პოლონეთის პრემიერ -მინისტრ დონალდ ტუსკის განცხადებით, დამნაშავეების შეფარებით პრეზიდენტი მართლმსაჯულების აღსრულებას აბრკოლებდა.

დაკავების შემდეგ, პრეზიდენტის სასახლესთან საპროტესტო აქცია გაიმართა - შეკრებაზე 300-მდე ადამიანი მივიდა. აქციას შეუერთდნენ კამინსკისა და ვონსიკის ყოფილი კოლეგებიც.

დაკავების შემდეგ კამინსკიმ შიმშილობა დაიწყო. "ჩემი დაკავება პოლიტიკური ანგარიშსწორების აქტად მიმაჩნია“, - ამბობს ის.