პოლონეთის სპეცსამსახურებმა ჯაშუშობაში ეჭვმიტანილი ბელარუსის მოქალაქე დააკავეს - ქალი გამოტყდა, რომ კე-გე-ბეში მუშაობდა
პოლონეთის სპეცსამსახურებმა ჯაშუშობაში ეჭვმიტანილი ბელარუსის მოქალაქე დააკავეს; პოლონეთში მცხოვრებ ბელორუს ქალს ბრალად დასდეს კე-გე-ბეში მუშაობა.
- 9 იანვარს პოლონეთის შინაგანი უსაფრთხოების სააგენტომ (ABW) გამოაცხადა ბელარუსის მოქალაქის დაკავების შესახებ, რომელიც, სავარაუდოდ, რუსეთს რამდენიმე თვის განმავლობაში აწვდიდა ინფორმაციას პოლონეთში მცხოვრები ბელორუსული დიასპორის შესახებ.
კონკრეტულად ვისზე იყო საუბარი, განცხადებაში არ არის ნახსენები.
ეჭვმიტანილს ბრალი ჯაშუშობაში ედება, რაც 5-დან 30 წლამდე თავისუფლების აღკვეთას ითვალისწინებს.
ადგილობრივი გამოცემა ვარაუდობს, რომ საუბარია აქტივისტ დარია ოსტაპენკოზე ქალაქ ბარანოვიჩიდან. ინფორმაციას ადასტურებენ გამოუკიდებელი ჟურნალისტები.
"2020 წლამდე ქალი ახლო კონტაქტში იყო ბელარუსის სხვადასხვა ოპოზიციურ პოლიტიკურ ორგანიზაციებთან და პარტიასთან, დაინტერესებული იყო მათი საქმიანობით და ხშირად სთავაზობდა დახმარებას", - წერს გამოცემა წყაროებზე დაყრდნობით.
ადგილობრივი მედია წერს, რომ ერთ დღეს დარია ნასვამ მდგომარეობაში იყო და გამოტყდა, რომ "კაგებეში" მუშაობდა. იგი მეორე დღესვე დააკავეს...წყარო