ტაივანის საპრეზიდენტო არჩევნებში მმართველი პარტიის კანდიდატი იმარჯვებს - "ჩინეთი ამით უკმაყოფილო იქნება"
ტაივანის საპრეზიდენტო არჩევნებში მმართველი პარტიის კანდიდატმა, ლაი ჩინ-ტიმ გაიმარჯვა - "ქვეყანა გააგრძელებს წინსვლას სწორ გზაზე. ჩვენ არ ვიხედებით უკან", - განუცხადა მან მსოფლიო მედიას პრესკონფერენციაზე.
- ვარაუდობენ, რომ არჩევნების შედეგები პეკინის გაბრაზებას გამოიწვეს. არჩევნებამდე რამდენიმე დღით ადრე ჩინეთმა ლაის „საშიში სეპარატისტი“ უწოდა, რადგან იგი უარყოფს ტაივანის მიმართ ჩინეთის ტერიტორიულ პრეტენზიებს.
ლაის მთავარმა კონკურენტმა, ოპოზიციური პარტიის წარმომადგენელმა ჰოუ იუიმ აღიარა არჩევნებში დამარცხება. ეს კანდიდატი ამომრჩევლებს პეკინთან უკეთეს კავშირებს ჰპირდებოდა.
გამარჯვების შემდეგ, ლაი მხარდამჭერების წინაშე სიტყვით გამოვიდა:
"ჩვენ ეს გავაკეთეთ - არ მივეცით ნება გარე ძალებს გავლენა მოეხდინა ჩვენს არჩევნებზე", - თქვა მან. მანამდე ტაივანმა ჩინეთი არჩევნების პროცესში ჩარევაში დაადანაშაულა.
სოციოლოგიური გამოკითხვები აჩვენებს, რომ ტაივანის მოქალაქეთა დიდი ნაწილი კუნძულის სტატუს-კვოს შენარჩუნების მომხრეა. ეს ნიშნავს, რომ ტაივანმა არც დამოუკიდებლობა უნდა გამოაცხადოს და არც ჩინეთს შეუერთდეს...წყარო