ბათუმი - ჩაქვის გზაზე ავტოსაგზაო შემთხვევას ერთი ადამიანი ემსხვერპლა

ბათუმი - ჩაქვის დამაკავშირებელ ცენტრალურ საავტომობილო გზაზე ავტოსაგზაო შემთხვევის შედეგად შუახნის მამაკაცი დაიღუპა.

არსებული ინფორმაციით, მსუბუქი ავტომობილი გზის სავალი ნაწილიდან გადავიდა. შემთხვევა დღის პირველ ნახევარში მოხდა.

როგორც შინაგან საქმეთა სამინისტროში ინტერპრესნიუსს” განუცხადეს, ფაქტზე გამოძიება “სისხლის სამართლის კოდექსის” 276-ე მუხლით მიმდინარეობს.