ჩინელები ირწმუნებიან, რომ მობილურებისთვის "ბირთვული ბატარეა" შექმნეს, რომელიც ენერგიას 50 წლის განმავლობაში გამოიმუშავებს და დატენას არ საჭიროებს
ჩინურმა კომპანია Betavolt-მა მობილურებისთვის მსოფლიოში პირველი "ბირთვული ბატარეა" შექმნა. მონეტის ზომის ბატარეას ენერგიის გამომუშავება 50 წლის განმავლობაში შეუძლია და დატენას არ საჭიროებს. იგი ელექტროენერგიას ნიკელის იზოტოპების დაშლის შედეგად გამოთავისუფლებული ენერგიის გამოყენებით გამოიმუშავებს.
კომპანია ირწმუნება, რომ ელექტროენერგიის ასეთი წყარო უსაფრთხოა როგორც ადამიანისთვის, ასევე გარემოსთვის: არ არის რადიაციის საშიშროება, ვადის გასვლის შემდეგ კი ბირთვული ელემენტები დაიშლება.
ტესტები ჯერ არ დასრულებულა, მაგრამ 1 ვატი სიმძლავრის მოდელის წარმოება 2025 წელს იგეგმება. დეველოპერების განცხადებით, "ბირთვული ბატარეა" შეგიძლიათ გამოიყენოთ სმარტფონების, დრონების და სამედიცინო აღჭურვილობის დასატენადაც კი.
მანამდე ბაზარზე ყველაზე "გამძლე" ბატარეის მქონე Android სმარტფონი გამოჩნდა. მწარმოებლების თქმით, ბატარეა 4-წლიანი აქტიური მუშაობს შემდეგაც შეუფერხებლად იმუშავებს.
