NASA-მ ახალი ახალი ზებგერითი თვითმფრინავი შექმნა - რა ხდება ცნობილი უსწრაფეს მოდელზე?

NASA-ს ახალი ზებგერითი თვითმფრინავი ნიუ-იორკიდან ლონდონში სამსაათნახევარში ჩავა, ინფორმაციას თავად NASA ავრცელებს. ახალ თვითმფრინავს შეუძლია საათში 1600 კმ (925 მილი) გაიაროს და მისი თანამედროვე დიზაინის წყალობით ნაკლებ ხმაურიანად იფრინოს, ვიდრე სხვა ზებგერითმა თვითმფრინავებმა.

უკანასკნელი 50 წლის განმავლობაში აშშ-მ და სხვა ქვეყნებმა ზებგერითი თვითმფრინავებით ფრენა აკრძალეს, რადგან როცა ისინი გარკვეულ სიჩქარეს აჭარბებენ, ფრენას საშინელი ხმაური ახლავს თან. NASA-ს მიზანია, რომ ახალი გამოგონებით მარეგულირებლებს ამ აკრძალვის მოხსნისკენ უბიძგონ.

"ეს არის ის მთავარი მიღწევა, რომელიც მთლიანად NASA-ს და X-59-ის გუნდის შრომისმოყვარეობის და გამომგონებლობის დამსახურებაა",- განაცხადა NASA-ს თანამშრომელმა, პემ მელროიმ. "სულ რამდენიმე წელში ჩვენი ამბიციური კონცეფცია რეალობად ვაქციეთ", - დასძინე მელროიმ.

ამჯერად, NASA-ს თანამედროვე ზებგერითი თვითმფრინავი ისეა აგებული, რომ მისი დახრილი ცხვირი მას ხელს შეუწყობს ნაკლებხმაურიანად იფრინოს. X-59-ს ჩვეულებრივი თვითმფრინავისგან კიდევ ერთი რამ განასხვავებს: მისი კაბინეტი დაახლოებით თვითმფრინავის შუაშია განთავსებული, რაც იმას ნიშნავს, რომ პილოტები მის სამართავად კამერას უნდა დაეყრდნონ.

ხმელეთზე უხმაურო და მშვიდი ზებგერითი მოგზაურობის შესაძლებლობის დემონსტრირებით ვცდილობთ, ამერიკული კომპანიებისთვის ახალი კომერციული ბაზრები გავხსნათ, რაც მოგზაურებს სარგებელს მოუტანს.

ნასამ დასძინა, რომ X-59 არის "უნიკალური ექსპერიმენტული თვითმფრინავი" და არა პროტოტიპი, რომელიც კომერციული საქმიანობისთვის ხელახლა შეიქმნებოდა. Bloomberg-ის ცნობით, პროექტის მთლიანი ღირებულება 632 მილიონი დოლარია.

წყარო: nypost

მოამზადა: ანა სიბოშვილმა