"რუსული საკრუიზო ლაინერი "ვლადიმერ ჟირინოვსკი" ბათუმსაც ეწვევა" - რას წერს რუსული მედია?
რუსული საკრუიზო ლაინერი, "ვლადიმერ ჟირინოვსკი" ბათუმსაც ეწვევა. ამის შესახებ ინფორმაციას რუსული მედია ავრცელებს.
- ახალი საკრუიზო გემი "ვლადიმერ ჟირინოვსკი“ ექსპლუატაციაში 2024 წელს შევა. მოსალოდნელია, რომ ბათუმთან ერთად, "ვლადიმერ ჟირინოვსკი" სოჭში, ნოვოროსიისკსა და სტამბულის პორტებსაც ეწვევა. დამატებითი დეტალები გემის გაშვების შემდეგ გახდება ცნობილი.
ახლა ლაინერი ასტრახანში გემთმშენებლობისა და გემების შეკეთების სამხრეთ ცენტრის საწარმოში მოსკოვის მდინარის გადაზიდვის კომპანიის დაკვეთით შენდება. მანამდე ხომალდს "პეტრე დიდი" ერქვა.
2023 წლის ზაფხულში ბათუმს ორჯერ ეწვია რუსული საკრუიზო გემი Astoria Grande. ორივე შემთხვევაში, რუსეთის ფედერაციიდან ჩამოსულ ტურისტებს ხმაურიანი პროტესტით შეხვდნენ - კვერცხებითა და პლაკატებით "რუსეთი ოკუპანტია".