პოლიციამ დააკავა მამაკაცი, რომელიც ტეილორ სვიფტის სახლში შეჭრას ცდილობდა
პოლიციამ დააკავა 33 წლის მამაკაცი, რომელსაც მომღერალ ტეილორ სვიფტის შევიწროება და თვალთვალი ედება ბრალად.
სამართალდამცველების ინფორმაციით, 33 წლის დევიდ ქროუ სვიფტის სახლის გატეხვას და იქ შეღწევას იმ დროს ცდილობდა, როცა მომღერალი შინ არ იყო.
ეს არ არის პირველი შემთხვევა, როცა ტეილორს უთვალთვალებენ. მაგალითად, 2022 წელს მამაკაცი დააკავეს იმის გამო, რომ ნასვამ მდგომარეობაში მყოფი მანქანას ნიუ იორკში, ტეილორის სახლის მიმდებარედ ატარებდა და ცდილობდა სახლში შესულიყო.
უფრო ადრე კი იყო კიდევ ერთი შემთხვევა, როცა მამაკაცი, სახელად როჯერ ალვარადო ტეილორის სახლში შეიპარა. პოლიციამ ის მომღერლის საწოლში, მძინარე იპოვა. სამართალდამცველებმა მას 6-თვიანი პატიმრობა შეუფარდეს.