ამერიკელი ვეტერანი 20 წლის განმავლობაში თავს შშმ პირად ასაღებდა და კომპენსაციის სახით 660,000 დოლარზე მეტი შეაგროვა
49 წლის კრისტოფერ შტულცმა 20 წელი ეტლს მიჯაჭვულმა გაატარა და კომპენსაციის სახით 660,000 დოლარზე მეტი შეაგროვა. ყველაფერი მას შემდეგ დამთავრდა, რაც ყოფილი ჯარისკაცი ფეხით სეირნობის დროს შენიშნეს.
შტულცი ტყუილში პირველად 2021 წლის ოქტომბერში გამოიჭირეს, როცა აშშ-ის ერთ-ერთ სამედიცინო ცენტრში ეტლის გარეშე მივიდა. ამ ინციდენტის შემდეგ გამოძიებამ მისი თვალთვალი დაიწყო. საბოლოოდ კი იგი 2022 წლის ოქტომბერში, სავაჭრო ცენტრში სეირნობის დროს შენიშნეს.
ადამიანები, რომლებიც შტულცს ჯერ კიდევ 2000-იანი წლების დასაწყისიდან იცნობდნენ, გამომძიებლებთან საუბრისას აცხადებენ, რომ წარმოდგენაც არ ჰქონდათ, თუ კრისტოფერი შშმ პირის ეტლს იყენებდა.
შტულცი ანტრიმის დაწყებითი სკოლის საბავშვო ბაღის მასწავლებელია. სამართალდამცავებთან საუბრისას აღიარა, რომ დამოუკიდებლად შეეძლო გადაადგილება, და ეტლით მოსიარულის სტატუსს ფულის შესაგროვებლად იყენებდა. მას ბრალი ოფიციალურად 2023 წლის 13 სექტემბერს წაუყენეს. დანაშაული 5 წლამდე ვადით თავისუფლების აღკვეთას ითვალისწინებს. პროკურატურის განცხადებით, ვეტერანს თაღლითური გზით შეგროვებული თანხის დაბრუნებაც მოუწევს...წყარო