ბაღდათის მუნიციპალიტეტში, სადაც მეწყერი ჩამოწვა, მეოთხე ცხედარია ნაპოვნი - რას ამბობს საგანგებო სიტუაციების სამსახურის უფროსი?
ამ დროისთვის ინტენსიური ძებნა-შველის ღონისძიების შედეგად ნანახია 4 ადამიანის ცხედარი. მიმდინარეობს 5 დაკარგულის ძებნა-შველის ღონისძიება, - ამის შესახებ საგანგებო სიტუაციების მართვის სამსახურის ხელმძღვანელმა, თემურ მღებრიშვილმა ბაღდათის მუნიციპალიტეტის სოფელ ნერგეეთში არსებულ ვითარებაზე საუბრისას განაცხადა.
- მისივე თქმით, ძალიან დიდი მასაა მოწყვეტილი და დაახლოებით 70% არის მიწის მასისგან გასათავისუფლებელი.
"ამ დროისთვის ინტენსიური ძებნა-შველის ღონისძიების შედეგად ნანახია 4 ადამიანის ცხედარი. მიმდინარეობს 5 დაკარგულის ძებნა-შველის ღონისძიება. სამუშაოებში ჩართულია 200-ზე მეტი მეხანძრე-მაშველი, კინოლოგიური ჯგუფი, ტექნიკის მობილიზება ხდება დამატებით, ასევე ინტენსიურად ვაგრძელებთ მუშაობას, სანამ ყველა არ იქნება ნანახი.
დაახლოებით 70% არის მიწის მასისგან გასათავისუფლებელი, ძალიან დიდი მასაა მოწყვეტილი, მთის ფერდობი, დიდი ალბათობით, დღის ბოლომდე უნდა დავასრულოთ სამუშაოები. ცოცხალი ძალის დამატება არ გახდება საჭირო",- აღნიშნა მღებრიშვილმა.
ცნობისთვის, ბაღდათის მუნიციპალიტეტის სოფელ ნერგეეთში მეწყერი გვიან ღამით ჩამოწვა.
ნახეთ ასევე:
- უმძიმესი კადრები ბაღდათიდან: მიწაში მოყოლილი სახლები და ადგილზე მობილიზებული 200-მდე მეხანძრე-მაშველი
- "ძალიან ცუდად ვართ, სამი საუკეთესო მოსწავლე მოყოლილია მეწყერში... არ ვიცით მათი მდგომარეობა" - ბოლო ცნობები სტიქიის ადგილიდან
- ადგილობრივების ინფორმაციით, ბაღდათში მაშველებმა ახალგაზრდა გოგოს და კიდევ ორი ქალის ცხედარი იპოვეს - "როგორც ვიცით, დედა-შვილი არიან..."