სოფელ ნერგეეთში, მეწყრულ ზონაში, კიდევ ერთი, მეცხრე ადამიანის ცხედარი იპოვეს
ბაღდათის მუნიციპალიტეტში, სადაც მეწყერი ჩამოწვა, კიდევ ერთი, მეცხრე ადამიანის ცხედარი იპოვეს.
ამის შესახებ "ინტერპრესნიუსის“ კორესპონდენტი ადგილიდან იუწყება.
ინფორმაციისთვის, ბაღდათის მუნიციპალიტეტის სოფელ ნერგეეთში მეწყერი 7 თებერვალს, გვიან ღამით ჩამოწვა.
ოფიციალური ინფორმაციით, ნერგეეთში მეწყრის სიმაღლე 30 მეტრია, მეწყრული მასის საორიენტაციო მოცულობა კი 150 000 მ3-ს შეადგენს. მიწის მასა ჩამოშლილია გზის დაახლოებით 200-მეტრიან მონაკვეთზე.