"ჯორჯიან მანგანეზი" ჭიათურაში 4 მაღაროს დროებით ხურავს: "უხვმა ნალექმა ე.წ ვაკე-ტყეების მიმდებარე ტერიტორიაზე ნაპრალები წარმოშვა"
კომპანია "ჯორჯიან მანგანეზი" ქვეყანაში მეტეოროლოგიური პირობების მკვეთრად გაუარესების გამო ჭიათურაში 4 მაღაროს დროებით ხურავს.
"უხვმა ნალექმა ე.წ ვაკე-ტყეების მიმდებარე ტერიტორიაზე ნაპრალები წარმოშვა. ზემოთ აღნიშნული მოვლენების შედეგად წარმოქმნილ რისკებს სპეციალურად მოწვეული გეოლოგები შეაფასებენ.
თანამშრომელთა უსაფრთხოების უზრუნველსაყოფად, მაღაროების დახურვა პრევენციული ხასიათისაა. პროცესების შესწავლისა და უსაფრთხოების შესაძლო რისკებთან დაკავშირებული რეკომენდაციების მიღებამდე სამუშაო პროცესი შეჩერდება" - წერია განცხადებაში.