"ერთხელ არ შეუხედია ბრძოლისთვის, სულ ლოცულობს" - ვრცელდება ემოციური კადრები: როგორ გულშემატკივრობდა მერაბ დვალიშვილს ძმა პიოტრ იანთან ბრძოლის დროს (ვიდეო)

ქართველი სპორტსმენი, მერაბ დვალიშვილი კვირას UFC-ის ექსჩემპიონს ორ წონით კატეგორიაში ჰენრი სეჰუდოს შეხვდება.

შესაძლოა, მერაბისთვის ეს ბრძოლა კარიერულად ყველაზე მნიშვნელოვანია, თუმცა ჩვენ გვახსოვს, რომელი შეხვედრა იყო ჩვენებურისთვის ყველაზე პრინციპული.

2023 წლის 12 მარტს დვალიშვილი რუს პიოტრ იანს შეხვდა. შეხვედრამდე იანი თავს იმის უფლებას აძლევდა, რომ მერაბზე დამამცირებლად ესაუბრა. მაგალითად, აბუ-დაბიში, როდესაც მებრძოლები გადაიკვეთნენ, რუსი დვალიშვილის მეგობარს და მაშინდელ ჩემპიონს, ალჯო სტერლინგს ეუბნებოდა, რომ "მერაბი 0 იყო“.

ასეთი განცხადებების მიუხედავად, დვალიშვილი ყოველთვის მშვიდ და ღირსეულ პასუხებს უბრუნებდა იანს და არასდროს პროვოკაციას არ აყოლია.

სამაგიეროდ, თავის სათქმელი და საქმე 12 მარტს მთელ მსოფლიოს უთხრა და აჩვენა. 5-რაუნდიან ბრძოლაში პიოტრ იანი უსასტიკესად, ცალმხრივად სცემა.

არასდროს იანი ისეთი უსუსური არ ყოფილა, როგორიც მერაბთან ბრძოლის დროს.

12 მარტს მთელი საქართველო დვალიშვილის გვერდზე იდგა, თუმცა ერთი ადამიანი ყველაზე მეტად ნერვიულობდა და განიცდიდა. ეს კი მერაბ დვალიშვილის ძმა, მალხაზ დვალიშვილი იყო, რომელიც ხატებით ხელში, მთელი 5 რაუნდის განმავლობაში ლოცულობდა და ბრძოლას არ უყურებდა.

ნახეთ ვიდეო:

ნახეთ ასევე:

"ის რუსეთს შეეხო... იმედია, პიოტრ იანი ისტორიას შეახსენებს“ - რას წერს რუსული მედია მერაბ დვალიშვილზე: ქართველ მებრძოლს ტროლს უწოდებენ

"დიდება საქართველოს, დიდება უკრაინას" - მერაბ დვალიშვილის ტრიუმფი, განადგურებული რუსი მეტოქე და ქართველი მებრძოლის სიტყვა მთელი მსოფლიოს გასაგონად

ავტორი: ანრი კურტანიძე